Алта банка – една од најбрзо растечките и најиновативните банки во Србија и регионот е на чекор до влез на домашниот банкарски систем и проширување во Македонија.
Банката која важи за лидер во воведување на дигитални банкарски услуги и за една од најиновативните финансиски институции во Србија, продолжува со својата стратегија за модернизација, дигитализација и проширување на своето присуство во регионот.
Алта Банка е препознатлива по воведување на современи дигитални решенија, напредни онлајн услуги и персонализиран пристап кон клиентите, што ја позиционира како доверлив и стабилен партнер за граѓаните и бизнисите.
Во рамките на својата регионална стратегија за развој, Алта банка изрази интерес за стекнување на контролен пакет акции и интеграција на Стопанска банка АД Битола. Овој процес претставува постапка на преземање во согласност со Законот за банки и со сите релевантни регулативи на Народната банка на Република Македонија. Процесот беше потврден и од гувернерот на Народната банка, Трајко Славески, кој во интервју за Newsmax Balkans изјави дека е во тек оценка на понудата и финализирање на документацијата, со очекување за изјаснување и од Комисијата за хартии од вредност.
Од нашите извори дознаваме дека целата потребна документација е веќе изготвена и доставена до надлежните органи, а во моментов се чека на формално одобрување од Народната банка.
По добивање на позитивно мислење и официјално одобрение, ќе биде спроведена целосната процедура на преземање, што вклучува и правна регистрација на промените во Централниот регистар и упис на новиот сопственички статус.
Овој чекор ќе овозможи дополнителен развој и стабилност на банкарскиот пазар во Македонија, носејќи со себе нови дигитални решенија, модерен пристап и засилена конкуренција која ќе биде во корист на клиентите.