Македонија

Во Управниот суд се случува тивок ,,Државен удар” – Прва жртва на пучот е ,,Акмисот”

Сменетиот претседател врши масовна рачна прераспределба на предметите во Управен суд

2 минути за читање

На седницата на Судскиот совет одржана вчера на 11.11.2026 година судијата Субхи Јакупи е избран за нов Претседател на Управен суд.

Но тоа не го спречува разрешениот претседател Бурим Сејдини да изготви рачно изготвени списоци на стотици предмети кои што се распределуваат на судиите кои што тој ги одбрал да постапуваат по одредени предмети.

Во Судот врие затоа што вработените се уверени дека распределбата што ја врши веќе бившиот претседател е заради контрола на одредени предмети кои што треба да ги решаваат подобни или корумпирани судии.

Формално потегот на Сејдини е затскриено под форма на измена на годишен распоред за работа на Управниот суд за 2026 година.

Од извори во судот expres.mk дознава дека тоа е најдрастично кршење на процесот на распределување предмети по судии без да се изврши автоматска распределба преку АКМИС системот туку исклучиво по желба на бившиот претседател.

Судии поднеле приговор против “распоредот” кој што Судскиот совет го препратил до Врховен суд, но поранешниот претседател со цел да го надмудри и претекне Врховниот суд мобилизирал дел од вработените итно да ги прераспределат физички предметите кај судиите.

Во 2023 година токму од вработени во судот беше поднесена анонимна пријава до јавното обвинителство со обвинување за злоупотреба на АКМИС системот која цели две години подоцна беше отфрлена заради немање докази.
Ако тогаш немало докази сега е доволно Јавното обвинителство за гонење на организиран криминал по допрен глас да влезе во судот и да утврди на лице место како се злоупотребува АКМИС-от и се врши рачна распределба по списоци рачно изготвени од поранешен претседател.

Доколку ОЈО ГОК уште вечерва влезе во Управниот суд може да добие интересни податоци кои предмети се од интерес да се работат од точно одредени судии и поради кои мотиви, велат извори од судот кои зборуваат за ,,бомбона бизниси” вредни милиони кои се одвиваат зад рачната распределба на предмети.

Поврзани теми:

пуч|државен удар|Управен суд|топ

Повеќе на оваа тема:

Најнови вести од: Македонија

(Видео): Филипче лаже за Алта банка – немало забрана за работа во ЕУ за банката, тврди ВМРО-ДПМНЕ

Портпаролот на партијата, Валентин Манасиевски, на прес-конференција го обвини претседателот на СДСМ, Венко Филипче, дека шири невистини за банката и за нејзиниот сопственик Давор Мацура.

(Видео): СДСМ поднесе кривична пријава за Трајко Славески – бара да му се воведат мерки на претпазливост

СДСМ бара мерки на претпазливост за Трајко Славески и за останатите лица, вклучително привремена забрана за вршење должности на сите инволвирани, за, како што рече Димитријевиќ, да се спречи влијание врз сведоците и можно уништување на документацијата.

Стојаноски: СДСМ бега од вистината за Алта банка, бараме итно продолжување на надѕорната расправа

Пратеникот на ВМРО-ДПМНЕ, Бојан Стојаноски денеска изјави дека СДСМ одбива да свика продолжение на надѕорната расправа за Алта банка, по вчерашните случувања на седницата.

Порибено Преспанското Езеро со речиси 7 илјади млади крапови

Порибувањето е спроведено од страна на регистрираното мрестилиште „Акватика“ од Неготино за чија реализација се обезбедени 500.000 денари од страна на Министерството за земјоделство, шумарство и водостопанство преку Програмата за финансиска поддршка во рибарството и аквакултурата за 2026 година.

„Н.М.“: Пукнатините во ЕУ се сè подлабоки! Каква доверба во неа да има Македонија, кога чека со години пред нејзините врати?!

Европа сè поретко е на главните маси на кои се носат важните геополитички одлуки, а сè почесто е во улога на набљудувач, коментатор или спореден учесник на настаните. Земјите- членки на ЕУ ја користат секоја можност пред донесувањето на заедничките одлуки да се осврнат на своите национални потреби како приоритетни, дури и кога станува збор за интереси на целата Унија. Во ЕУ се редат закани со блокади, финансиски условувања и национални калкулации. Каква доверба во таква Европа треба да имаат земјите кандидати, што со години чекаат пред нејзините врати? – ова се истакнува во анализата со наслов „Пукнатините во ЕУ сè повеќе се продлабочуваат! “, која е објавена во весникот „Нова Македонија“.

Савески: Јавното обвинителство ќе постапува по секоја кривична пријава поврзана со Алта банка!

„Ќе мора и надлежниот обвинител да ги провери наводите и да преземе соодветни истражни дејства.“ – истакнува државниот јавен обвинител Ненад Савески во интервјуто за емисијата „Клик Плус“ на ТВ21, кое ќе се емитува вечерва во 21:30 часот.

Ѓула Челику: Длабока е болката кога Албанците од „РСМ“ се етикетираат како Македонци, не треба да ја забораваат Албанија без оглед каде живеат!

„Длабока е болката кога Албанците од С.Македонија се етикетираат како Македонци, како да е нашиот национален идентитет административен избор, или прашање, кое другите можат да го одлучат за нас. Но, болката станува уште поголема кога ова негирање е прифатено, поддржано или промовирано од оние, кои треба да го бранат албанството!“ – пишува Ѓула Челику во својата колумна со наслов „Да бидеш Албанка од С.Македонија“, која ја објави информативната агенција на албански јазик „Илирија-ИНА“ од Скопје. Ѓула Челику е доктор по политички науки, професорка во државниот универзитет во Тетово, основач и претседател на политичката партија Европско граѓанско движење во Република Македонија

На 6 декември 2026 Ана и Игор Дурловски на најголем заеднички концерт досега во Македонија: Два светски гласа – еден ЗАВЕТ!

Ќе биде организиран најголемиот заеднички концерт досега во Македонија на двата најголеми оперски гласа кои оваа земја му ги подари на светот – Ана и Игор Дурловски! На 6 декември 2026 година, во СЦ „Јане Сандански“ во Скопје, Ана и Игор Дурловски ќе ја претстават својата најамбициозна заедничка концертна продукција – ЗАВЕТ. Двајцата истакнати македонски оперски уметници, со меѓународни кариери и настапи на престижни светски сцени, ќе ја поведат публиката на несекојдневно музичко патување – од ремек-делата на класичната и оперската музика, преку незаборавните филмски теми и современите светски хитови, до богатството на македонското музичко наследство.
Сите вести од Македонија

Најнови вести

To top