Министерот за транспорт Александар Николоски даде детали од разговорите со нискобуџетната авиокомпанија Рајанер за влез на пазарот во Македонија. Николоски изјави дека барањата на компанијата не се вклопуваат во нашиот пазар, односно дека компанијата има невозможни барања.
- „Ќе бидам директен. Не мислам дека тоа е добро за македонскиот пазар, бидејќи условите што ги поставуваат се невозможни. Во моментов даваме субвенции од 9 евра за Аеродромот во Скопје и 12 евра за Аеродромот во Охрид, што се меѓу највисоките субвенции што може да се најдат во регионот, и неслучајно се отворени 28 нови авиолинии за помалку од 2 години од изборот на оваа влада. Барањата на „Ryanair“ се 25 евра субвенција по седиште, што е повеќе од 2,5 пати за Аеродромот во Скопје. Барањето е нивните авиони да се опслужуваат со приоритет“, вели Николоски.
Барањето на Рајанер е 25 евра субвенција по седиште, што е повеќе од 2,5 пати за скопскиот аеродром. Барањето е приоритетно да се опслужуваат дневните авиони. Барањето е да не се користат никакви услуги на скопскиот и охридскиот аеродром.
Дури и скали сопствени имаат во рамки на авионите. Барањето е да ги откажеме дел од дестинациите коишто сега ги работат други авиокомпании. Мислам дека тоа е уценувачки пристап. Не знам дали пратите, најголемиот удар во авиоиндустријата се случува токму од нив, целосно ја затворија сопствената база во Солун, со што солунскиот аеродром е пред колапс. Ја затворија сопствената база во Виена и во овој период на криза на Блискиот Исток, тоа е компанија со најмногу откажани летови.
- За разлика од авиокомпаниите кои што се кај нас, тоа се стабилни компании. Од нискобуџетните ги имаме Виз Ер и Изи Џет, се работи за компании коишто дури и во криза растат. Виз Ер веќе ќе го донесе седмиот авион на скопскиот аеродром, го користат скопскиот аеродром како база, а веќе почнуваат да прават база и на охридскиот аеродром“, вели Николоски.