Бизнис

Е-фактура до крајот на годината и фронтална борба со сивата економија

Министерката за финансии, Гордана Димитриеска-Кочоска, во рамки на официјалната посета на Словачка, денеска одржа работен состанок со својот колега Ладислав Каменицки. Во фокусот на разговорите беше дигитализацијата на даночните процеси, при што министерката најави дека системот за е-фактура во Македонија ќе биде целосно имплементиран до крајот на оваа година.

2 минути за читање

Дигитализацијата на даночните процеси, унапредувањето на управувањето со јавните финансии, анализата на јавните трошоци и продлабочувањето на економската соработка беа во фокус на работниот состанок меѓу македонската и словачката делегација, предводени од министерката за финансии Гордана Димитриеска-Кочоска и словачкиот министер за финансии Ладислав Каменицки. Состанокот се одржа во рамки на официјалната посета на министерката Димитриеска-Кочоска на Словачка, а од Министерството за финансии информираат дека биле разгледани тековните макроекономски и фискални состојби, како и управувањето и евалуацијата на јавните инвестиции.

Посебен акцент бил ставен на дигиталните алатки во даночниот систем, меѓу кои е-фактура, е-фискализација и QR плаќања. Министерката истакнала дека искуствата на Словачка во оваа област се важен пример за зголемување на ефикасноста, транспарентноста и борбата против сивата економија.

Во рамки на разговорите била отворена и темата за Анализа на јавните трошоци (Spending Review), која согласно Реформската агенда 2024–2027 треба да започне во текот на годината и се очекува да придонесе за поефикасно и потранспарентно управување со јавните финансии.

Димитриеска-Кочоска посочила дека земјата е во фаза на воведување на системот за е-фактура, при што се очекува негова целосна имплементација до крајот на годината.

Таа се осврнала и на економските движења, истакнувајќи дека во 2025 година економијата забележала раст од 3,5 проценти, поттикнат од инвестициите, домашната побарувачка, инфраструктурните проекти и приватниот сектор. За 2026 година, Владата останува претпазлива поради глобалната неизвесност, но растот се очекува да се темели на инвестиции и структурни реформи.

  • Фокусот останува на стабилни јавни финансии, поддршка на инвестициите, дигитализација и борба против сивата економија – нагласила министерката.

Словачкиот министер Ладислав Каменицки изразил подготвеност за понатамошна размена на искуства и експертиза во областа на јавните финансии, дигитализацијата и реформските процеси.

Двете страни оцениле дека соработката меѓу Македонија и Словачка ќе продолжи да се продлабочува преку заеднички иницијативи и размена на добри практики, со цел економски развој и подобрување на условите за граѓаните и бизнисите.

Поврзани теми:

Гордана Димитриеска Кочоска|актуелно|јавни финансии|услуги|е-фактура

Повеќе на оваа тема:

Најнови вести од: Бизнис

Депозитите во мај пораснаа за 8,6 %, кредитите за 13,4 %

Во мај, анализирано според намената на кредитите одобрени на физичките лица, најзастапените категории ‒ потрошувачките и станбените кредити, остварија месечно зголемување од 1,1 процент и 1,4 проценти, соодветно, при годишен раст од 11,2 проценти и 16,3 проценти, соодветно. Овој месец, автомобилските кредити се повисоки за 1,7 проценти и 8,4 проценти на месечна и на годишна основа, соодветно.

Проверете на регистарот на е-трговци од кого купувате пред да платите онлајн

Регистарот добива дополнително значење ако се земе предвид континуираниот раст на е-трговијата во Македонија. Според анализата на АЕТМ на најновите податоци од Народната банка, во 2025 година вкупната вредност на онлајн-трансакциите достигна 950 милиони евра, што претставува раст од 32 % во однос на претходната година. Од нив, 522 милиони евра се слеале кон македонските е-трговци, а бројот на активни места на продажба за е-трговија е зголемен за 84 во однос на 2024 година.

Два златни медали и вкупно 18 награди за вината на „Тиквеш“ на најголемиот светски вински натпревар „Decanter“

Вината на Винарската визба „Тиквеш“ и годинава освоија високи признанија на еден од најпрестижните и највлијателни светски вински натпревари – „Decanter World Wine Awards 2026“

НБРМ: Клучен предизвик е прифаќањето на електронски плаќања кај малите бизниси

И покрај добрата дигитална подготвеност на граѓаните, прифаќањето на електронски плаќања кај малите трговци останува ограничено и претставува еден од најголемите предизвици за платниот систем во земјава, истакна вицегувернерот на Народната банка, Игор Величковски.

Народна банка ја задржа стапката на противцикличниот капитален заштитен слој на 2%

И покрај солидната кредитна активност во економијата, Народната банка оцени дека нема потреба од дополнително затегнување на макропрудентната политика и одлучи стапката на противцикличниот заштитен слој на капиталот да остане на ниво од 2 проценти.

ЕСМ и Светска банка потпишаа договор за грант за мега-проект за когенеративна централа „РЕК Битола 1“

Во Владата свечено беше потпишан Договор за грант во вредност од 2,4 милиони американски долари помеѓу АД ЕСМ и Светска банка. Со овие средства официјално започнуваат подготвителните активности за реализација на големиот проект за когенеративната централа „РЕК Битола 1“. На свеченоста, покрај претставниците на Светска банка и АД ЕСМ како директни потписници, присуствуваа и премиерот Христијан Мицкоски, министерката за енергетика, рударство и минерални суровини Сања Божиновска, вицепремиерот и министер за транспорт Александар Николоски, како и министерот за животна средина и просторно планирање Муамет Хоџа.
Сите вести од Бизнис

Најнови вести

To top