Бизнис

Фондот за иновации повторно работел без програма, си терал по старо – Владата рече „стоп“

Со донесувањето на Законот за иновациската дејност, научно-технолошки развој и претприемништво на 29.07.2025 година се формира Агенција за иновации, научнотехнолошки развој и претприемништво, како правен наследник на Агенција за претприемништво и Фонд за иновации и технолошки развој, со што престанува да постои Фонд за иновации и технолошки развој.

3 минути за читање

Државната ревизија утврди сериозни пропусти во подготовката, усвојувањето и транспарентноста на програмската и финансиската документација на Фондот за иновации и технолошки развој, што директно влијаело врз законитоста и контролата на неговото работење во 2024 година, пренесе Фактор. Ревизорите констатирале дека Управниот одбор на ФИТР во февруари 2024 година усвоил Среднорочна програма за работа 2024–2026, но поради ненавремено усвојување и пролонгирање на одобрувањето од страна на Владата, програмата била повлечена во ноември 2024 година.

Наместо тоа, Владата усвоила Среднорочна програма за работа 2025–2027, што довело ФИТР во текот на целата 2024 година да работи без важечки среднорочен документ, што не е во согласност со Законот за иновациската дејност. Законот јасно предвидува дека ФИТР мора да има усвоена среднорочна програма со дефинирани приоритети, цели, мерки и активности.

Иако Управниот одбор усвоил Годишен извештај за работењето на ФИТР за 2024 година, во него се содржани само наративни податоци и финансиски информации по сметки. Во извештајот не се прикажани:  реализацијата на Годишната програма за работа за 2024 година,  распределбата на средствата по мерки и инструменти,  реализацијата и ефектите од мерките,  нереализираните обврски од претходни години.  

Ова е спротивно на Законот за извршување на буџетот, кој бара средствата да се користат наменски, рационално, економично и ефикасно. Поради тоа, Управниот одбор дал насоки да се изготви дополнителен финансиски извештај.

Дополнително извештајот не е усвоен од Владата, за што Годишниот извештај бил доставен и до Министерството за финансии и Министерството за економија и труд, од каде било укажано дека мора јасно да се прикажат финансиските импликации – планирано и реализирано по мерка и инструмент.  

Ревизорите оценуваат дека нецелосниот извештај сериозно ја нарушува транспарентноста, следењето и контролата на работењето на ФИТР, поради што не е усвоена годишна сметка за 2024 година. Поради тоа што не е изготвен финансиски извештај за реализацијата на Годишната програма за работа, Управниот одбор не ја усвоил Годишната сметка на ФИТР за 2024 година, па таа воопшто не била доставена до Владата на усвојување.  

Ревизијата утврдила дека ФИТР не доставува редовно ревизорски извештаи од надворешна ревизија до Управниот одбор и Владата, иако тоа е законска обврска. Последен ревизорски извештај усвоен од Владата се однесува на 2020 година, додека извештаите за 2021, 2022 и 2023 година воопшто не се доставени за усвојување. 

Дополнително, ревизијата нотира дека ФИТР не ги објавил:  Годишните извештаи за периодот 2021–2023,  Годишните сметки,  Ревизорските извештаи од надворешна ревизија. Ова е спротивно и на Статутот на ФИТР и на законите за сметководство и иновациска дејност, кои предвидуваат навремено јавно објавување на овие документи.

Ревизорскиот извештај укажува на сериозни слабости во управувањето, отчетноста и транспарентноста на ФИТР. Работењето без среднорочна програма, нецелосните извештаи и необјавените ревизорски документи отвораат сериозни прашања за контролата врз трошењето на јавните средства наменети за иновации. Со донесувањето на Законот за иновациската дејност, научно-технолошки развој и претприемништво на 29.07.2025 година се формира Агенција за иновации, научнотехнолошки развој и претприемништво, како правен наследник на Агенција за претприемништво и Фонд за иновации и технолошки развој, со што престанува да постои Фонд за иновации и технолошки развој.

Поврзани теми:

влада|извештај|ФИТР|пари|финансии|програма

Повеќе на оваа тема:

Најнови вести од: Бизнис

Ново поскапување на храната и раст на трошоците за живот – народот нема пари, обвини СДСМ

Од СДСМ посочуваат дека растот на платите не е доволен за да го следи поскапувањето, а дополнителен проблем е и немањето нови мерки од страна на Владата за заштита на стандардот на граѓаните. Според опозицијата, секојдневните трошоци како храната, сметките и превозот стануваат сè поголем товар за семејните буџети. Тие алармираат дека синдикалната потрошувачка кошничка континуирано расте, додека реалната куповна моќ на граѓаните опаѓа.

Ако храната поскапува, Владата најави мерки за граѓаните полесно да го поминат месецот

Будно ја следиме состојбата и се разбира дека разгледуваме мерки што ќе бидат во корист на граѓаните – порача премиерот Христијан Мицкоски одговорајќи на новинарско прашање дали ќе бидат донесени нови економски таргет-мерки имајќи ја предвид стапката на инфлација. Мицкоски појасни дека просечната инфлација е под 4,5 во првите четири месеци и, како што рече, „е една од најниските, ако не и најниска во регионот“.

Ветерниот парк во Штип е инвестиција од 400 милиони евра, најавува премиерот

Расположливиот потенцијал на Црна Река досега е искористен само со изградбата на високата брана „Тиквеш“, а тоа е всушност долниот дел од клисурниот потег на Црна Река. Спротиводните акумулации „Галиште“ и „Чебрен“ имаат исклучиво енергетско значење, со услови за формирање на големи акумулации, (особено акумулацијата „Чебрен“ ) и за израмнување на протечните води на Црна Река, сè со цел нивно целосно искористување.

ММФ со позитивна оценка за македонската економија – раст, стабилност и намален долг

ММФ оценува дека финансискиот систем и натаму е стабилен, а банкарскиот сектор е добро капитализиран и високо ликвиден. Според извештајот, стапката на адекватност на капиталот изнесува 19,4%, значително над регулаторните барања, додека учеството на нефункционалните кредити е намалено на историски најниското ниво од 1,9%. Ликвидноста и профитабилноста на банкарскиот систем и натаму се силни, со што дополнително се потврдува неговата отпорност.

(Фото): Доделени наградите „Предводници на одржливиот развој” на Бизнис форумот за одржливост

Клубот на одговорни бизниси на Конект претставува уникатна платформа што им овозможува на компаниите да работат заедно со граѓанскиот сектор и институциите на заедничко креирање практични решенија на најголемите општествени предизвици. Клубот на одговорни бизниси е поддржан од 36 извршни директори на најактивните компании кои разбираат дека одговорноста и одржливоста е составен дел на бизнисот.

(Видео): Владата ќе направи сé што може да им помогне на бизнисите чие производство е наменето за извоз

Владата ќе даде максимална поддршка за бизнисите чие производство е наменето за извоз, порача премиерот Христијан Мицкоски за време на денешната посета на компанијата „Макпрогрес“ од Виница. Изразувајќи силно импресионирање од развојниот пат на компанијата, Мицкоски истакна дека овој некогаш скромен семеен бизнис денес прераснува во регионален гигант и еден од столбовите на домашната економија.

Николоски: Околу 103 километри патишта досега се рехабилитирани, целосно обновени, новоизградени или се во фаза на изградба

Се купуваат 49 возила од различен тип, кои треба да му помогнат на Град Скопје и на другите општини за подобрување на состојбата со хигиената
Сите вести од Бизнис

Најнови вести

To top