Бизнис

(Фото): За една година продажбата на македонски производи во „Лидл“ зголемена за 100%

Малопродажен објект на познатиот ланец „Лидл“, започна да се гради во општина Аеродром. Објектот ќе се протега на површина од 3.438 квадратни метри, со продажен простор од 1.200 квадратни метри.

Иако сè уште не почнала со малопродажба, сепак соработката со германската компанија „Лидл“ веќе дава резултати во македонскиот извоз. Македонски производи од извоз во маркетите на „Лидл“, само во регионов, за една година ќе се зголеми за 100%, односно од пет милиони евра лани, на 10 милиони во оваа 2025 година. Премиерот Христијан Мицкоски, кој присуствуваше на стартот на изградбата на маркет во Реонскиот центар во Ново Лисиче, очекува дека бројката оваа година ќе се удвои и ќе достигне 10 милиони евра.

  • Тоа претставува мотив за домашните претприемачи да ги исполнат стандардите на синџирот „Лидл“. Оваа инвестиција носи нова енергија и работни места, потврдувајќи дека земјата е добра дестинација за инвеститорите. Оваа инвестиција се одолговлекуваше и беше заглавена, но со доаѓањето на оваа владина гарнитура се фативме за работа и ја откочивме ставајќи ја меѓу првите приоритети. Особено ме радува што менаџментот на „Лидл“ ја прифати нашата забелешка за зголемување на застапеноста на домашното производство и македонските производи на полиците на „Лидл“. Тоа е од исклучителна важност – затоа што со тоа не само што се поддржува локалната економија туку се гради доверба кај потрошувачите дека македонското е најдобро – нагласи Мицкоски.

Тој очекува „Лидл“ да биде поттик и мотив за македонските претприемачи да ги задоволат стандардите на германскиот ланец супермаркети. Според него, влезот на „Лидл“ ќе донесе поголема конкуренција, пониски цени и повисок квалитет за потрошувачите.

Новиот објект на „Лидл“ во Реонскиот центар ќе се протега на површина од 3.438 квадратни метри со модерен продажен салон од 1.200 квадратни метри и 57 паркинг места. Милена Драгијска-Денчева, претставник на „Лидл“ истакна дека маркетот ќе се гради по најсовремените меѓународни стандарди и нема да понуди само современ физички изглед, туку ќе биде изградена и од еколошки градежни материјали, со фокус на енергетската ефикасност.

  • Целта е на нашите потрошувачи да им се обезбеди врвно искуство во пазарувањето и, секако, по поволни цели. Многу е важен развојот на пазарната економија, па јас како претставничка на „Лидл“ тука, би сакала да ја нагласам нашата долгорочна посветеност која ја имаме и кон граѓаните. Не дојдовме тука само да правиме бизнис, туку сме посветени на порастот, на развојот и на подобрувањето на квалитетот на живот за сите граѓани, воедно и на поддршката на локалните производители, чии производи се веќе пласирани на другите пазари на „Лидл“– рече Драгијска-Денчева.

Таа потврди дека „Лидл“ е посветен на порастот, развојот и на соработката со локалните производители и изрази благодарност за поддршката и за помошта до сите институции, на централно и на локално ниво.

Инаку, „Лидл“ е дел од германската групација „Шварц“ која е водечки трговци со храна во Германија и Европа.

Најнови вести од: Бизнис

Европската бизнис-асоцијација ги поврза студентите со бизнис-приказните – Глобална недела на претприемништвото

Студенти од економските факултети при УКИМ, УГД и ЈИЕУ имаа можност да разговараат со претставници на компании од различни сектори за препознавањето на потребите на пазарот, започнувањето сопствен бизнис и вештините потребни за негов развој.

(Фото): Николоски во Виена повика на регионална соработка и поврзување

Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар.

„Со свои раце, создадено со љубов“: 17. издание на Фестивалот на младо вино на „Тиквеш“ ги обедини луѓето и винската традиција

Фестивалот е и многу повеќе од прослава на младото вино, тој е прослава на луѓето, заедништвото, љубовта и вербата во иднината. Токму тие вредности се во сржта на филозофијата на „Тиквеш“, компанија која ја надградува својата богата традиција со знаење, иновации и современи пристапи, останувајќи посветена на создавањето вина и искуства што ги поврзуваат луѓето.

Најнови вести

To top