Бизнис

Граѓаните ќе плаќаат повисоки сметки за вода во Скопје

Според последниот извештај на Министерството за финансии, ЈП „Водовод и канализација Скопје“ има доспеани, а неплатени обврски од 14,5 милиони евра.

2 минути за читање

За околу 10 отсто поскапе водата за пиење во Скопје. Дел од граѓаните веќе добија фактури во кои се забележуваат нови износи. Според пресметките на надлежните, зголемување имало во сите три сегменти и кај водата за пиење, за прочистување на отпадни води и за собирање и одведување на урбани отпадни води, објави Телма. Па така, збирно зголемувањето е околу 10 проценти.

Овој пат одлуката за цената ја донесе Регулаторната комисија за енергетика. Како што објаснуваат од таму, во случај кога градскиот совет нема да го направи тоа во утврдениот рок, одлуката ја носи РКЕ. А, кога советите ќе си ја донесат цената претходно регулаторна им утврдува само највисока и најниска цена.

Од Водовод сè уште се чека одговор зошто советот не одлучувал. Од градскиот совет, пак, за Телма брифираат дека ваква точка од мај досега воопшто не била ставена на дневен ред. Одлуката за новите тарифи, пак, РКЕ ги донеле уште на крајот на август.

Во текот на летото, дел од жителите во Скопје, главно оние од повисоките зони, немаа вода. Од Водовод постојано објавуваат соопштенија за рационално користење. Во нивните дописи беше потенцирано дека енормно е зголемена потрошувачката, затоа што се полнат базени, се користи за перење на автомобили и за полевање. Па, така доста добар дел од граѓаните на 40 степени со денови имаа вода дури по полноќ. Без вода беше и болницата Козле која се снабдуваше со цистерни. Но, проблеми имаа и во други градови.

Поврзани теми:

топ|Скопје|вода|сметки|поскапување|Водовод

Повеќе на оваа тема:

Најнови вести од: Бизнис

Засилени контроли во маркетите, ако има раст на маржите ќе се преземат мерки

Министерот за економија Бесар Дурмиши вели дека сега нема девијантно однесување од трговците со зголемување на маржите, а цените на храната растат, бидејќи производите ги увезуваме. И покрај тоа што по 1 мај требаше да бидат донесени мерки за спречување на растот на цените на прехранбените производи, тоа сè уште е во потготовка. Барем за сега, состојбата е стабилизирана.

Државата со 185.000 евра ќе ги стимулира занаетчиите, малите и средните претпријатија

Министерот за економија и труд Бесар Дурмиши вели дека целта на поддршката е да им се помогне на домашните компании да го модернизираат производството и да ја зголемат продуктивноста, создавајќи истовремено и подобри услови за работа.

Над 40% од фирмите не издаваат фискални, запечатени 25 објекти низ државата

Управата за јавни приходи најавува засилено теренско присуство со зголемен број на контролори на територијата на целата држава. УЈП веќе постапува согласно нова методологија на контроли, што вклучува и вкрстени проверки за утврдување на веродостојноста на прикажаните приходи кај даночните обврзници.

(Фото): Поврзани системи – побрзи и поевтини прекугранични плаќања

Македонија како мала и отворена економија којашто е тесно поврзана со еврозоната, нашата земја внимателно ги анализира можните ефекти од воведувањето на дигиталното евро врз домашниот финансиски систем. Во тој контекст, Народната банка веќе ги разгледува можностите и потенцијалните ефекти од евентуално воведување дигитален денар, особено во делот на модернизацијата на плаќањата, финансиската вклученост и ефикасноста на монетарната политика.

Летните патувања поскапуваат – лоши вести за патниците околу новата цена на авионските билети

Иако некои аналитичари и претставници од туристичката индустрија, како што е директорот на TUI, Себастијан Ебел, не очекуваат поголеми нарушувања во наредните месеци, патниците треба да се подготват за промена на ценовниците пред почетокот на шпицот на летната сезона.

Кои економии растат најбрзо во 2026 – при врвот соседот на Македонија

Некои економии од Централна и Источна Европа сè уште ги чекаат своите објавувања за првиот квартал, вклучувајќи ги Полска и Хрватска, кои двете забележаа силен раст во четвртиот квартал. ING очекува полскиот БДП да порасне од 3,6% до 3,8% на годишно ниво во првиот квартал од 2026 година, со прогноза за раст од 3,7% за целата година, што е далеку над траекторијата на еврозоната. Засега, мапата на европскиот раст во 2026 година се прецртува околу јужната и источната периферија, наместо околу традиционалното индустриско срце на блокот. 

Економските политики внимателно да го следат развојот на енергетските пазари, велат експертите

Инвестициите, особено инфраструктурните, придонесуваат за економски раст, но потребни се и подлабоки структурни реформи, сметаат економистите. Компаниите исто така мора да се модернизираат и да ја зголемат својата конкурентност.
Сите вести од Бизнис

Најнови вести

To top