Декември убедливо најскап месец во годината. Живејачката на годишно ниво за 2025 поскапа за 4,1%, а цените на мало пораснале за 3,6%, измери државната статистика. Инфлацијата, пак, во декември лани, во однос на ноември 2025 е 0,4%. Лани, најмногу поскапел транспорт за 5.8%, потоа рекреација и култура за 0.8%, здравје за 0.7%, мебел, и одржување на домаќинствата за 0.5%, ресторани и хотели за 0.4%, домување, вода, електрика, гас и други горива за 0.2%, алкохолни пијалаци, тутун за 0.1%.
Во декември 2025 година, во однос на ноември 2025 година, намалување на трошоците на животот е забележано кај храната и безалкохолните пијалаци за 0.4 % и кај облеката и обувките за 0.2%.
Овошјето за над 17%, безалхолхолните пијалоци за 16, месото над 7, млекото и млечните призводи над 6 отсто. Единствено лани сме јаделе поевтин зеленчук. И додека во светот цените паѓаат, растот кај нас е драстичен. Виновни за високите цени, според анализите на владата се маркетите, кои не го почитуваат законот за нефер трговски практики и ставаат високи маржи. Докази велат дека има и најавија клуч на врата ако продолжат да го кршат законот.
Од Владата најавија засилени инспекциски контроли и законски измени со повисоки казни за трговските ланци што ги прекршуваат правилата за нефер трговски практики. Од Владата кажаа дека инфлацијата ќе се стабилизира. Засилени контроли и клуч на врата на сите маркети кои го изиграа законот со нефер трговски практики, најави владата. Со законски корекции и строги казни ќе се стега обрачот околу трговците кои ставаат цени од ракав, со што се удира врз стандардот на граѓаните.
Колку за потсетување, првичните планови на државата беа инфлацијата во 2025-та да се спушти на дури 2,8 отсто, а потоа ја ревидираа на 3,9%. Пониска инфлација од 2,5 отсто се очекува оваа година.