Само што почна да забавува, инфлацијата повторно висока. Статистика измери скок нa речиси 5% во март годинава, во однос на истиот месец лани. Кај цените на мало пак има зголемување од 3, 4 отсто. За евентуални мерки против скапотијата, владата ќе чека да помине Велигден. Од извештајот на статистичарите може да се види дека за една година храната и пијалаците поскапеле за 7, 5 отсто.
Храната во угостителските услуги во март годинава се повисоки за 6,7 отсто во однос на истиот период лани, а на алкохолните пијалоци за 6,9 отсто. Ноќевањата во истиот период се поевтини за 12,7 отсто. Цените на храната во угостителството во перидото јануари-март 2026 година се повисоки за 7,4 отсто, а на алкохолните пијалоци се повисоки за 8,4 отсто. Цените на ноќевањата во првиот квартал годинава се пониски за 12,6 отсто. Цените на угостителските услуги во март 2026 година се зголемени за 0,1 % во однос на претходниот месец, објави Државниот завод за статистика.
Цените на угостителските услуги во март 2026 година во однос на истиот месец од претходната година сe зголемени за 2,4 %.
Цените на угостителските услуги во периодот јануари – март 2026 година во однос на истиот период од минатата година се зголемени за 3,0 %, додека во однос на декември 2025 година зголемувањето е 0.4 %.
Од храната најмногу на удар е овошјето. Цените тука се зголемиле за 12, 7 отсто, кај млекото и јајцата за над 8 проценти. Поскапување од 7 отсто се забележува и кај маслото и мастите и кај житата и житните производи. Во оваа категорија влегува лебот. Кај кафето пак има поскапување од над 25 отсто, а голем скок на цените е регистриран и кај какаото, чајот и шеќерот, но станува збор за берзански производи.