Бизнис

Крај за евтините пратки од Тему во Европа

Министрите за финансии на Европската унија денеска се согласија дека во текот на 2026 година ќе воведат царини на пратки со вредност помала од 150 евра кои пристигнуваат во 27-те земји членки на Унијата.

1 минута за читање

Министрите за финансии на Европската унија денеска се согласија дека во текот на 2026 година ќе воведат царини на пратки со вредност помала од 150 евра кои пристигнуваат во 27-те земји членки на Унијата.

Таквата одлука пред сè ќе ги погоди кинеските онлајн трговци Shein и Temu, пренесува Reuters.

Првичниот план на Европската унија беше ослободувањето од царини за мали пратки да се укине дури во 2028 година.

Сепак, милијардите пакети кои пристигнуваат во ЕУ, главно од Кина, предизвикаа силна реакција кај европските компании и ги натераа политичарите да делуваат значително побрзо.

Минатата година, 4.6 милијарди вакви мали пакети влегле во ЕУ – повеќе од 145 во секунда – од кои 91% потекнуваат од Кина.

Европската унија очекува овој број да продолжи да расте.

Поврзани теми:

Тему|Кина|избор|еу|царини|шеин

Повеќе на оваа тема:

Најнови вести од: Бизнис

Проблем со новите Шенген правила – Транспортерите бараат решение до 15 јануари или ќе блокираат граници

Со месеци, здруженијата очајно се обидуваат да ги убедат европските власти дека новите шенгенски прописи се неприменливи за професионалните возачи од трети земји. Тие стравуваат дека возачите и нивната стока би можеле масовно да бидат одбиени на границите во иднина.

Платите да растат сега и веднаш, бараат синдикатите – инфлацијата не била поради ниските работнички плати

Синдикатите најавија протести и штрајкови ако не се покачи минималецот, вели Слободан Трендафилов од ССМ. Според него, работниците се попродуктивни од тоа што работодавците сакаат да прикажат. Тој зборува и за разликите во потрошувачките кошници на власта и синдикатот, платите во плико, одливот на работници во соседството.

(Видео): ССМ И КСС од јануари заедно на протести за повисок минималец – законското усогласување ќе биде во март

На дебатата се отворија многу теми меѓу кои владината потрошувачка кошничка која нема да се објави во јануари, а со која требаше да се пресмета колку пари се потребни за едно четиричлено домаќинство да го преживее месецот. Како и за стандардот и куповната моќ на граѓаните. Но и за тоа дека во февруари ќе растат функционерските плати за 200 до 250 евра.

Како ќе растат платите во Европа во 2026 година?!

Покрај Велика Британија, другите големи западноевропски економии, како што се Шпанија и Холандија, се очекува да продолжат да заостануваат зад регионалниот просек. Во извештајот се забележува дека, и покрај намалувањето на инфлацијата, овие земји продолжуваат да се соочуваат со бавен раст на продуктивноста, тесни фискални услови и претпазливост на работодавачите во однос на долгорочните обврски за плати.

Заклучно со 30 ноември во државниот буџет од даноци и придонеси собрани 3,97 милијарди евра

До крајот на првиот квартал ќе биде објавена клиентската апликација – бесплатни решенија за помалите компании, до крајот на вториот квартал ќе биде поставена продукциската околина, а до крајот третиот квартал од 2026 година се планира да заврши тестирањето.

УЈП ги потсети оние кои работеле во странство да платат данок, станува збор за 10.000 луѓе

Сите даночни резиденти во својата држава треба да го пријават и оданочат целокупниот свој доход остварен во други земји, рече денеска директорката на Управата за јавни приходи, Елена Петрова. Според неа, воопшто што не се работи за ретроактивно оданочување, ниту за покривање состојби како немање пари во буџетот, туку за обезбедување фер и правично оданочување.

Нема промена на даноците – дигитализацијата клучна за ефикасно трошење на буџетските пари, вели министерката за финансии

Проектираниот реален раст за 2026 година е 3,8 % и сметам дека е реално остварлив. Но, секако дека ги следиме состојбите на глобално ниво и ги земаме предвид сите ризици. Затоа и буџетот за 2026 година не е проектиран со оптимистичко сценарио, туку би рекла напротив, доста внимателно, дури конзервативно, вели министерката за финансии.
Сите вести од Бизнис

Најнови вести

To top