Бизнис

Наместо „brain drain“ – „brain export“: Brainster извезува македонски образовен модел во ЕУ

Македонија не мора да биде извор само на работна сила – може да биде извор на квалитетни образовни решенија за во ЕУ и пошироко

 

Додека државните универзитети во Македонија веќе не се ни во топ 2000 на Шангајската листа, а земјата со години се соочува со масовен одлив на млади и талентирани кадри, ние во Brainster направивме историски чекор: наместо да извезуваме луѓе, сега извезуваме знаење, методологија и образовна иновација. А луѓето ги задржуваме – со понуда на современи програми, практична настава и сигурна патека до вработување, објавува компанијата Brainster.

Во време кога многу македонски студенти своето академско образование го продолжуваат токму во Словенија – Brainster го прави обратното: го извезува нашиот македонски образовен концепт токму во Словенија, преку стратешко партнерство со реномирани образовни институции.

,,Со гордост објавуваме дека NU High School Academy – нашата практична академија за талентирани средношколци – од сега е присутна и во Европската Унија, бидејќи потпишавме стратешко партнерство со Erudio Education Group, словенечка образовна групација основана во 1993 година, која има цел да воведе иновативни методи на учење и поддршка за студентите пред се преку практично, персонализирано и модерно образование, како и со FirstClass, компанија специјализирана за пронаоѓање и селекција на стручни и водечки кадри, како и развојни и HR консултантски услуги”, објави компанијата.

Квалитетот на програмите во рамки на Brainster групацијата беше препознат токму од словенечката институција.

„Erudio, реномирана образовна институција од Словенија, и FirstClass, водечка словенечка компанија посветена на младите таленти преку својот BusinessClass програм, со гордост го објавуваат новото стратешко партнерство. Преку NU High School Academy програмите, целиме да им овозможиме на младите амбициозни и талентирани личности практични знаења и суштински вештини кои ќе ги поддржат во личниот развој и ќе им помогнат со самодоверба да зачекорат кон успешна кариера.“, велат во заедничка изјава од Erudio и FirstClass.

 

Оваа франшиза наскоро ќе биде понудена и во уште неколку европски земји меѓу кои и Хрватска, додека пак дома, Brainster ќе продолжи да нуди концепт кој е баран во земјите на ЕУ.

Од Македонија – за Европа: Практичен модел кој носи резултати

NU High School Academy е програма наменета за талентирани средношколци од 15 до 18 години, која сега станува првиот македонски образовен концепт што се извезува во Европската Унија.

Овој модел вклучува:

менторирање од практичари,

учење преку реални проекти и тимска работа,

развој на дигитални и „меки“ вештини,

фокус на личен развој, самодоверба и кариера.

Наместо да извезуваме готов кадар – извезуваме цел систем, открива Brainster.

,,Со години Македонија извезува обучени луѓе кои се вработуваат и создаваат вредност надвор. Ние го менуваме наративот – извезуваме концепт, методологија и вредност, а младите ги задржуваме тука, нудејќи им реална перспектива, современ систем и средина што ги препознава и поттикнува нивните потенцијали. И што е најважно, се грижи за иднината на младите, нудејќи им практични вештини и знаења преку работа на реални проекти. Таков е примерот со Brainster Next колеџот – првиот практичен колеџ за дизајн и софтверско инженерство во Македонија каде што теоријата и праксата се споени во секој предмет.

 

Концептот кој го препознаваат образовните институции во Европската Унија – регион во кој како држава тежнееме да достигнеме стандарди – е истиот концепт кој го препознаваат и младите овде. Тие сè почесто сфаќаат дека не мора да заминат за да стекнат врвни вештини, силен личен развој и професионална иднина.

Со ова партнерство испраќаме силна порака: Македонија не мора да биде извор само на работна сила – може да биде извор на квалитетни образовни решенија што се применливи и во Европската Унија и пошироко. А работната сила и кадрите на иднината од Македонија има каде својата стручност да ја стекнат дома – по највисоките ЕУ стандарди. Ова, всушност, е и визијата на Brainster групацијата: да создадеме генерации на талентирани, мотивирани и вешти млади луѓе, а Македонија да стане синоним за квалитетно и современо образование“ , вели Петар Ниновски, основач и ЦЕО на Бреинстер групацијата.

 

Тој најавува дека оваа соработка е само почеток и дека наскоро може да се очекува проширување на програмите на Brainster и во други европски земји.

 

 

 

Најнови вести од: Бизнис

Македонија испраќа јасна порака – без стабилни финансиски модели нема зелена транзиција

Денешниот панел ја става ги фокус меѓународните финансиски институции и новите финансиски механизми за поддршка на приватниот сектор со цел заштеда на трошоци и зајакнување на ефикасната зелена транзиција. Министерката за енергетика, рударство и минерални суровини Сања Божиновска нагласи дека финансиските модели мора да се усогласат со реалните потреби на домаќинствата, малите и средни претпријатија и индустријата.

Буџетот за 2026 под лупа: Ќе биде финансиски стабилен или пак зависен од кредити?!

Со Предлог-буџетот, буџетскиот дефицит е проектиран на 3,5 проценти од БДП или 637 милиони евра. Капиталните инвестиции се намалени и проектирани на 650 милиони евра. За покривање на долгот, планирано е да се задолжиме околу 1,7 милијарди евра, од кои 950 милиони преку еврообврзница.

(Видео): Владата го усвои Предлог-буџетот за 2026 година – ќе тежи 6,7 милијарди евра

Министерката за финансии Гордана Димитриеска Кочоска на прес-конференција во Владата соопшти дека вкупните приходи се проектирани на 374,7 милијарди денари, а вкупните расходи изнесуваат 413,9 милијарди денари, додека проекцијата за капиталните инвестиции е на износ од 40,5 милијарди денари (650 милиони евра).

Блокада: Една од најголемите компании за јавни набавки во Македонија не може да учествува во тендери

Прилепското обвинителство спроведува истрага за вкупно 32 лица, од кои 7 правни лица, осомничени за повеќе кривични дела, меѓу кои злоупотреби при јавни набавки, злоупотреба на службената положба и фалсификување и уништување деловни книги, а со делата наводно е оштетен буџетот на болницата за околу 700.000 евра.

Нема да има енергетска криза, уверува Мицкоски

Европската Унија пак донесе одлука за забрана за транзит на руски гас преку ЕУ до трети земји. Но, по ваквиот потег министерката за енергетика Божиновска излезе со уверување дека проблем нема да има и покрај тоа што најголем дел од количините на гас во земјава се токму од Русија.

To top