Бизнис

Цената на становите порасна за 16,7% – сепак пазарот на недвижности го има последниот збор

Најактивни општини биле Центар, Аеродром и Карпош каде становите се продавале по просечна цена од 1.692, 1.558 и 1.419 евра за квадратен метар. Најскап стан лани бил продаден во Аеродром за 166.500 евра, а во оваа општина е постигната и највисока цена по квадрат – 3 784 евра за квадратен метар.

2 минути за читање

Цените на становите во Скопје во првиот квартал од годинава се зголемиле за 16,7% во однос на истиот квартал лани, покажуваат податоците на Народната банка. Во однос на последниот квартал лани, кога цената на становите порасна за дури 25%, цените на становите се зголемиле само за 0,1%, што укажува на мало забавување на растот на цените од почетокот на годината.

Крајот на минатата година, според извештајот на Агенцијата за катастар на недвижнини, бил најактивен за продажба на недвижнини. Тогаш бил направен промет од со промет од 314 милиони евра.

Според овој извештај, во цела 2025 година се продадени повеќе од 7.700 станови. Иако бројот на продадени станови бил во благ пад од 3,9%, нивната вредност пораснала за 10,8%.

Најактивни општини биле Центар, Аеродром и Карпош каде становите се продавале по просечна цена од 1.692, 1.558 и 1.419 евра за квадратен метар. Најскап стан лани бил продаден во Аеродром за 166.500 евра, а во оваа општина е постигната и највисока цена по квадрат – 3 784 евра за квадратен метар.

Од Катастарот предвидуваат дека во 2026 година ќе продолжи трендот на умерен раст. Се очекува зголемен интерес за инвестиции и натамошен пораст на цените кај закупнините.

За потсетување, Народна банка го пресметува индексот на цени на станови врз основа на огласени, а не реализирани цени за продажба на станови.

Поврзани теми:

актуелно|Македонија|Скопје|станови|Нардона банка

Повеќе на оваа тема:

Најнови вести од: Бизнис

„Тинекс“ преку партнер во Косово ќе ја враќа ликвидноста на компанијата

Компанијата информираше дека менаџментот активно работи на изнаоѓање конкретни решенија за надминување на состојбата, при што, како што беше објавено, поддршка има од банките и клучните деловни партнери.

(Фото): Акции со најголем раст и пад на Македонската берза во јули

Акцијата на Аутомакедонија АД Скопје бележи најголем раст во јули, покажува билтенот на Македонската берза за тој период. Акцијата на ТТК Банка АД Скопје пак има најголем пад. Во продолжение целосно и другите акции со најголем раст и пад за јулскиот период.

(Фото): Инфлацијата во Македонија во јули забави на 2,3 проценти

Индексот на трошоците на животот во јули 2026 во однос на јули 2025 , бележи зголемување од 2,3 проценти, а индексот на цените на мало бележи зголемување од 1,8 проценти, соопшти Државниот завод за статистика. Станува збор за благо забавување на инфлацијата ако се земе предвид дека во јуни годишната стапка на инфлација изнесуваше 3,4 проценти.

„Тинекс“ основаше фирма-ќерка и ги префрли маркетите како подружници, дали ќе одат на продажба?!

Како подружници кај „Тинекс Маркет“ се регистрирани 44 дисконти и маркети, меѓу кои и оние под брендот „Деликатес“, „Конто“ и „Супер“, како и магацинот за пакување и погоните за месо.и подготовка на готвени јадења. Префрлен е и центарот за логистика, односно за складирање стока во Петровец.

Македонското рударство продолжува да тоне, иако има на располагање големи инвестиции

Долг период рударството во Македонија нема забележано значителен раст, а четирите металични рудници кои функционираат полека ги исцрпуваат своите капацитети. Од друга страна, повеќе од 40 години се нема реализирано ниту една голема инвестиција во оваа гранка, а во моментов единствена сериозна најава има за проектот за рудник за бакар во Иловица.

Сите вести од Бизнис

Најнови вести

To top