Бизнис

Николоски: Од март нова авиолинија Охрид – Братислава

Ќе ги зголемиме економските и туристички врски меѓу двете земји

1 минута за читање
Воведувањето авиолинија Охрид-Братислава и подобрување на економските и трговски односи меѓу Македонија и Словачка беа тема на денешната средба помеѓу заменик претседателот на Владата и министер за транспорт, Александар Николоски и амбасадорката на Словачка, Ивета Хрицова.
Линијата Охрид-Братислава која се воспоставува од март оваа година преку авиокомпанијата Визер,  ќе придонесе за подобра поврзаност меѓу двете земји, а во функција на развој на туризмот и бизнис секторот, потврдија двајцата соговорници.
Вицепремиерот Николоски истакна дека Владата посветува особено внимание на развој на ависобраќајот, а воспоставување на оваа авиолинија, ќе ги приближи економските врски меѓу двете држави.
На средбата беа потврдени добрите билатерални односи меѓу Македонија и Словачка, се разговараше за зајакнување на трговска соработка, политичките односи и поттикнување на деловната клима.
Вицепремиерот Николоски потенцира дека државата се наоѓа во силен инвестициски циклус во реализација на капитални проекти кои имаат регионална димензија и даваат огромен придонес во развој на регионалната соработка преку модернизација на транспортната инфраструктура.

Поврзани теми:

актуелно|Словачка|авиолинија|вицепремиер Владимир Николоски|Братислава|Охрид-Братислава

Повеќе на оваа тема:

Најнови вести од: Бизнис

(Фото): Македонците потрошиле милиониска сума за онлајн купување во странство

Највисока просечна вредност на е-трансакција Македонците оствариле во Унгарија од 152.2 евра, иако помалку од лани за 2.1%, додека во Луксембург направиле најниска просечна трансакција и истата изнесува 14.1 евра. Во 2025 година се забележува драсатичен пад на просечната трансакција во Германија од скоро 70% која минатата година беше највисока и изнесуваше 214.2 евра.

(Фото): Очекуваме продлабочување на кризата, ако треба ќе побараме таргетирани мерки, вели Азески

Покрај лошата состојба на Блискиот Исток, и војната во Украина која се уште не е завршена, има влијание врз работата на компаниите, особено ако се земе предвид дека 70 отсто од нив се ориентирани кон европските пазари, алармира стопанството.

(Фото): Централната банка со унапредена монетарна рамка и активности за поефикасни финансиски пазари

Вицегувернерот Величковски истакна дека Народната банка и во иднина ќе биде посветена на развојот на финансиските пазари и платежната инфраструктура, заради создавање посигурно, поефикасно и поконкурентно финансиско окружување што ќе го поддржи економскиот раст и интеграцијата со европските текови.

(Фото): Народна банка ја додели Годишната награда за млади истражувачи за 2026 година

Доделувањето на наградата е дел од одбележувањето на 34-годишнината од монетарното осамостојување и формирањето на Народната банка, а истовремено во година кога Народната банка слави и 80 години централнобанкарско работење во земјава.

Електронското банкарство расте, но готовината останува крал во Македонија

Наспроти тоа, повозрасните генерации сè уште значително повеќе се потпираат на готовина. Лицата на возраст од 65 до 74 години од банкомати подигнале речиси двојно повеќе пари отколку што платиле со картичка на продажните места.

Денарот полни 34 години: Од Велигден 1992 до денес – приказна за стабилност

Денес, Народната банка на Република Македонија продолжува да ја чува вредноста на националната валута преку внимателна монетарна политика, финансиска дисциплина и прилагодување кон современите глобални трендови.
Сите вести од Бизнис

Најнови вести

To top