Делегации од Бугарија и од Македонија го одржаа првиот состанок на Заедничкиот комитет според Договорот за подготовка, изградба и експлоатација на прекуграничен железнички тунел во Софија, со кој копретседаваа бугарската заменик-министерка за транспорт Цвета Тимева и нејзината македонска колешка Калтрина Зеколи Шаќири.
Заедничкиот комитет усвои Деловник за работа и прелиминарен индикативен распоред за подготовка и изградба на објектот. Планот за временски распоред на активностите е прикачен на официјално заедничко писмо со кое двете земји ја потврдуваат својата посветеност на Европската комисија и меѓународните финансиски институции, Европската инвестициска банка и Европската банка за обнова и развој, до Европската комисија и меѓународните финансиски институции, нивната посветеност за изградба на железничката врска. Делегациите, исто така, ги разгледаа можностите за финансирање на проектот.
„Изградбата на прекуграничниот железнички тунел е стратешки проект од регионално значење што ќе ги поврзе двете земји со железница и ќе придонесе за побрз и поефикасен транспорт на стоки и патници“, изјави Зеколи-Шаќири. Таа нагласи дека проектот ќе придонесе и за зајакнување на економската соработка меѓу двете земји.
„Под новата влада, Република Бугарија продолжува со својата долгорочна политика на активен развој и промоција на целосно завршување на сите компоненти на Коридорот 8. Имплементацијата на овој мултимодален транспортен коридор е од клучно значење за подобрување на транспортната поврзаност помеѓу Црното Море и Јадранското Море. Тој претставува природно продолжение на глобалните транспортни коридори помеѓу Европа и Азија“, изјави Тимева за време на состанокот.
Заедничката работа на комитетот ќе обезбеди проектот да се спроведе според европските стандарди за безбедност и поврзаност, претворајќи го регионот во природна раскрсница помеѓу Истокот и Западот.