Бизнис

Парното поскапува за 5,9% – на крајната цена нема да се чувствува премногу

Од 1 декември, цената за парно за преку 60 илјади потрошувачи се зголемува за 5,9 отсто. Потрошувачите приклучени на Железарското парно ќе плаќаат повисока цена за 7,6 отсто, а на топланата Скопје Север за 7,7 отсто.

2 минути за читање

Од 1 декември цената на парното во просек ќе се зголеми за околу 130 денари. Граѓаните кои досега плаќале по 2.200 денари, во иднина ќе издвојуваат околу 2.330 денари. Ваква одлука донесе Регулаторната комисија за енергетика, водни услуги и услуги за управување со комунален отпад.

  • „Во наредниот период мора да се направи долгорочно стратешко планирање и сериозна санација на топловодната мрежа. Овие инвестиции ќе го подобрат квалитетот на снабдување и ќе овозможат ширење на мрежата“, изјави Марко Бислимоски, претседател на РКЕ.

Според него, парното останува најекономично решение. Анализите покажуваат дека доколку сите исклучени од парно, повторно се приклучат на системот сметките ќе се намалат за околу 10 проценти. Вкупно 65.000 потрошувачи се снабдуваат со топлинска енергија.

Од 2023 година, топлинската мрежа ја управува државна компанија – ЕСМ Дистрибуција, поради што првиот човек на Регулаторна се надева дека таа ќе работи подомаќински, односно ќе испорача квалитет на топлинска енергија што го бараат граѓаните.

  • Трендот на исклучување на граѓаните од парно греење мора да се спречи, зашто ако се намали бројот на потрошувачи, ќе се зголеми цената. Ги поздравуваме измените во Законот за градба со кои се овозможи новите згради да се приклучат онаму каде што постои систем на топлинска енергија, додаде Бислимоски.

Инаку, 62 илјади потрошувачи се приклучени на системот на ЕСМ Дистрибуција, на железарско парно се 1.900 потрошувачи, а на Скопје – Север 400 домаќинства.

Поврзани теми:

топ|Скопје|РКЕ|сметки|парно|домаќинства|корисници

Повеќе на оваа тема:

Најнови вести од: Бизнис

Дебата: Како Македонија ја издржува кризата и обезбеди раст на економијата?!

Глобалната економија и понатаму е под голем притисок. Геополитичките тензии, високите цени на енергијата, проблемите во глобалната трговија и поскапото финансирање оставаат последици и врз земјите од Западен Балкан, а со тоа го стеснуваат и просторот на владите за реакција кога ќе дојде нова криза, рече министерката за финансии, и порача дека државата мора навреме да си создаде простор за маневрирање, наместо да го бара дури кога ќе избувне кризата.

Ако не потпишат нов договор, корисниците мора да се иселат – Нов рок за откуп на државните станови

Право да поднесат барање за докуп на станот, промена на сопственоста, како и за закуп имаат граѓаните кои живеат во објекти доделени од државата по разни основи, како што се експропријација на имот, уривање на станбени згради или поради тоа што нивните претходни домови биле руинирани и склони кон паѓање. Тие треба да имаат договор за времено користење на станот потпишан пред 16 мај 1998 година.

Успешниот домашен модел ја зацврстува регионалната експертиза: ЕОС Матрих се проширува во Косово

По успешното позиционирање на секундарниот финансиски пазар во Македонија и долгогодишното искуство во управувањето со побарувања и откупот на портфолија, ЕОС Матрих го прави следниот чекор во регионалната експанзија со обновување на активностите на пазарот во Косово. Проширувањето на активностите следува по усвојувањето на новиот Закон за банки на Косово, со кој се креираа услови за примена на современи методи и експертиза за управување со побарувања и откуп на портфолија од нефункционални кредити.

До 80 години отплата и животно осигурување на трошок на банката – нов кредитен пакет за пензионери од АЛТА банка

Со можност за отплата до 80 години старост и ризико животно осигурување целосно на трошок на банката, АЛТА банка отвора повеќе простор за личните планови, избори и финансиска сигурност на пензионерите преку новата платформа „ЗА ВАС.“

Божиновска за грчки “Енерџи Гејм”: Македонија станува клучна гасна раскрсница на Балканот

Енергетски центар за снабдување на Југоисточна Европа е новата улога што министерката Сања Божиновска ја најавува за Македонија по приклучувањето кон Вертикалниот коридор. Договорот беше потпишан на 4 септември во Солун, но патот од политички меморандум до гасна раскрсница зависи од изградбата на две клучни врски со Грција и Србија.

ММФ отвора центар за техничка помош за земјите од Западен Балкан и Молдавија

Меѓународниот монетарен фонд ќе отвори нов центар за техничка помош во Рим, наменет за земјите од Западен Балкан и Молдавија, со цел да им помогне во спроведувањето на реформите и зајакнувањето на институционалните капацитети во процесот на пристапување кон Европската Унија. Директорката на ММФ, Кристалина Георгиева, оцени дека проширувањето на ЕУ повторно се наоѓа високо […]
Сите вести од Бизнис

Најнови вести

To top