За 6,4 илјади бил поголем бројот на бугарски државјани што во јуни отпатувале во Македонија отколку на македонски во Бугарија во истиот период, покажуваат податоците на Националниот статистички институт во Софија.
Околу 33,9 илјади државјани на Бугарија минатиот месец ја посетиле Македонија, со што таа е седма дестинација за нив по бројот на посети, наспроти 27,5 илјади македонски граѓани што заминале кај источниот сосед, заземајќи го десеттото место меѓу сите туристи.
Најголем број патувања од страна на бугарските граѓани биле направени во: Турција – 249,7 илјади, Грција – 223,7 илјади, Романија – 94,8 илјади, Германија – 67,6 илјади, Србија – 62,4 илјади, Италија – 37,8 илјади, Македонија – 33,9 илјади, Австрија – 31,5 илјади, Шпанија – 26,5 илјади, Франција – 25,1 илјади.
Најмногу посети на Бугарија оствариле граѓани од: Романија – 246,6 илјади, Турција – 242,2 илјади, Германија 122,2 илјади, Грција – 110,0 илјади, Украина – 109,2 илјади, Полска – 104,5 илјади, Србија – 82,1 илјади, Чешка – 48,2 илјади, Обединето Кралство – 44,6 илјади, Република Северна Македонија – 27,5 илјади.