До 15 октомври, обврска за исплата имале 74.782 работодавачи за 553.040 вработени. Во предвидениот рок бруто-плата исплатиле 49.439 работодавачи, односно 66,11 отсто, за 481.003 вработени.
За преостанатите 72.037 лица, или околу 13 отсто од вкупниот број опфатени со обврската, не била навреме реализирана целосната исплата, која ги вклучува данокот на личен доход и социјалните придонеси. Податоците се однесуваат на состојбата до законскиот рок и не покажуваат дали заостанатите обврски биле подмирени подоцна.
УЈП објави и дека 98,5 отсто од месечните и 97 отсто од тримесечните даночни обврзници навреме ги поднеле пријавите за ДДВ. Рокот бил 26 октомври, бидејќи 25 октомври бил недела.
LANDOV Петров: СДСМ стана султан-партија со статутарните промени во времето на Заев
Обврска за плаќање ДДВ пријавиле 21.061 даночен обврзник, во вкупен износ од 5,578 милијарди денари. Во законскиот рок платиле 12.676 обврзници, односно 60,2 отсто, а биле уплатени 2,542 милијарди денари или 45,6 отсто од пријавениот износ. Тоа значи дека околу 3,036 милијарди денари останале неплатени до истекот на рокот.
Од УЈП информираат дека на обврзниците кои доцнат најпрво им испраќаат персонализирани известувања за доброволно подмирување на обврските. Доколку не постапат, следуваат опомени и присилна наплата од средствата на банкарските сметки, вклучително и нивна блокада.
Управата може да изрече и глоби за неподнесување даночни пријави, а целта на мерките е зголемување на навременото исполнување на законските обврски.