Бизнис

(Видео): Нови 15.000 работни места, 1.200 градилишта и раст од 3,5%

Премиерот вели дека, ако се погледа номиналниот бруто домашен производ за 2026, не според Владата, не според Христијан, според Меѓународниот монетарен фонд, ќе биде околу 22 милијарди долари.

2 минути за читање

Во последната година се креирани повеќе од 15.000 нови работни места, последните 2 години се случија 1.200 градилишта, а шест квартали по ред бележиме економски раст од 3,5%. Сето тоа е резултат на поддршка на Владата на инвестиционата активност на компаниите и општините, изјави денеска премиерот Христијан Мицкоски  во одговор на прашање за новата исплатена транша поддршка за компаниите.

  • И доаѓаме до една состојба којашто во моментот е околу 710.000 вработени и под 90.000 невработени, коишто се пријавени. Ако во тие под 90.000 невработени имаме, да речеме околу 30.000 земјоделци. Невработените се водат како работоспособно население од 15 до 65, тоа се две генерации 15 и 16 години, средношколци, а средното образование е задолжително, ќе дојдеме до бројка од отприлика, не повеќе од 35-40.000 невработени, што претставува некаде под 5% од работоспособното население. И ова е историски најниско ниво, од било кога, од кога постои независна Македонија – рече Мицоски.

Тој додаде дека поддршката на Владата, значи поголема инвестициска активност и раст на економијата.

  • Ние шест квартали по ред растеме реално со 3,5%. Ако се погледа номиналниот бруто домашен производ за 2026, не според Владата, не според Христијан, според Меѓународниот монетарен фонд, ќе биде околу 22 милијарди долари. И кога овој период на оваа Влада, ќе се спореди со периодот на претходната Влада, за 3 пати е поголем растот на номиналниот бруто домашен производ, во услови кога бруто домашниот производ во рамките на Еврозоната расте под 1%. Тоа е резултат на ова инвестициска активност од страна на Владата, не само поддршката кон стопанството преку субвенционираните кредити, каде што каматната стапка е под 2%, 1,95%, туку и преку овие проекти, еден од тие проекти е и овој којшто го гледаме тука. Такви имаме повеќе од 1.200 во моментот, значи 1.200 градилишта се случија само во последните 2 години, проекти коишто се директно за заедницата преку локалната самоуправа. И тука Владата не бираше дали се тоа градоначалници од ВМРО-ДПМНЕ или од владината коалиција, во сите општини, под еднаков критериум се инвестира. И ценам дека овој проект којшто досега акумулираше приближно над половина милијарда евра, прилично доста влијае во целиот овој процес – рече Мицкоски.

Поврзани теми:

актуелно|Македонија|влада|Мицкоски|бизнис|работни места

Повеќе на оваа тема:

Најнови вести од: Бизнис

Се доближуваме до целта – Македонија да стане извозник на струја

Според ВМРО-ДПМНЕ, со новите законски решенија се отвора можност за намалување на цената на електричната енергија за домаќинствата за 5 до 10%, а со преземените мерки за субвенционирање на електричната енергија, директно се заштитува стандардот на граѓаните и се спречуваат ценовни шокови за домаќинствата.

Родот стои, а купувачи нема – расте бојот на земјоделци кои продаваат директно од нива

Домашните земјоделци повторно се соочуваат со проблемот каде и како да го продадат произведеното овошје и зеленчук. Наместо производите да стигнат до маркетите, дел од производителите ги нудат директно од нивите, бидејќи откупот и пласманот остануваат неизвесни. Проблемот со пласманот и цените со години е една од најголемите грижи за земјоделците во земјава.

Новите инвестиции доказ дека Македонија е сè поатрактивна за вложување на капитал

ВМРО-ДПМНЕ посочува дека новите ифабрики и странски инвестиции се потврда дека со политките на Владата Македонија станува сè поатрактивна за инвестирање. „Брејнчајлд“ и „Магна Мехатроникс“ веќе почнаа со работа, а „Амфенол“ и „Гемтерм“ најавуваат нови вработувања, се наведува во соопштенето заедно со бројки за вредноста на инвестициите и новите работни места.

Прометот на Македонска берза падна за 53,78%, „Алкалоид“ со најголем раст

И покрај послабата берзанска активност, акциите на „Алкалоид“ забележаа најголем неделен раст од 9,37 отсто. Позитивно движење имаа и „Гранит“, со раст од 2,6 отсто, како и „Македонски Телеком“, чии акции поскапеа за 2 отсто.

АД ЕСМ ќе купува јаглен од косовската КЕК во следните три години

АД ЕСМ  согласно владина одлука,  потпиша стратешки договор со косовската државна енергетска корпорација КЕК за експлоатација на околу три милиони тони јаглен од рудникот Обилиќ во наредните три години по гарантирана фиксна цена од 24, 4 евра за тон, соопшти компанијата. Договорот официјално го потпишаа генералниот директор на АД ЕСМ, Лазо Узунчев, и генералниот директор на КЕК, Грамос Хашани.
Сите вести од Бизнис

Најнови вести

To top