Бизнис

(Видео): Трезорот функционира редовно – исплатите се во тек, рече заменик-министерот за финансии

Заменик-министерот за финансии, Николче Јанкуловски во емисијата Бизнис21 на ТВ21 изјави дека се обезбедени средства за исплата на платите, социјалните трансфери и регресот за годишен одмор (К-15) за вработените во јавната администрација.

3 минути за читање

Трезорот во состав на Министерството за финансии функционира редовно и врши исплати и ќе продолжи до 31 декември 2025 како и останатите институции. Ќе се реализираат сите преземени обврски од страна на државата до крајот на годината. Нашата цел е целосно да се реализираат и приходите и расходите во Буџетот согласно планираното, како и буџетскиот дефицит да се заврши на планираното ниво. Ова го истакна заменик-министерот за финансии Николче Јанкуловски во гостување во ТВ 21 каде потенцираше дека исплатата се врши непречено и дека редовно се исплаќаат плати, социјални  надоместоци, К-15, блок-дотации кон општините и други тековни трошоци.

  • „Трезорот, како составен дел од Министерството за финансии, работи и ќе продолжи да работи најнормално, како и сите институции, до 31 декември 2025 година. Со начинот на кој сега функционира Трезорот и со навремените исплати, јасно покажавме дека нема никаков застој. Редовно се исплаќаат социјалните надоместоци, К-15, обврските преземени во соработка со надлежните агенции, блок-дотациите кон општините, како и платите и другите тековни трошоци. Секоја обврска која ќе биде евидентирана и прифатена за плаќање, ќе може да се исплати заклучно со 31 декември “, рече заменик-министерот.

Тој појасни дека информацијата што Министерството за финансии ја достави до буџетските корисници и институциите во државата за доставување на налозите до 15 декември беше исклучиво од организациски аспект.

  • „Целта беше до 15 декември да ги достават налозите за плаќање, за Трезорот навремено, до крајот на годината, да може да ги испланира сите расходни ставки и да ги обезбеди потребните информации поврзани со останатите фискални параметри. Сè друго, приказните за затворање на Трезорот, дека нема да има пари или дека ќе настане финансиски застој беа пласирани од страна на опозицијата”, наведе Јанкуловски, кој дополни дека најголемиот дел од институциите целосно го почитуваа рокот и навремено ги доставуваат налозите.

Заменик-министерот потенцира дека секоја обврска која ќе биде евидентирана и прифатена за плаќање, ќе може да се исплати заклучно со 31 декември и дека за тоа до крајот на годината ќе бидат обезбедени потребните средства.

  • „Даночниот календар е добро познат и очекуваме дополнителни приливи до крајот на месецот  по основ на данок на добивка, данок на додадена вредност кој доспева на 25 декември, како и социјалните придонеси што се уплатуваат на крајот на месецот. Имајќи предвид дека значителен дел од компаниите во овој период исплаќаат бонуси и регреси за вработените, нашите очекувања се дека планираните приходи во најголем дел ќе бидат реализирани”, рече заменик-министерот за финансии Николче Јанкуловски.

Поврзани теми:

избор|исплати|Македонија|реализација|пензии|плати|пари|компании|стопанство|средства|социјала|јанкуловски|трезор

Повеќе на оваа тема:

Најнови вести од: Бизнис

(Фото): Горивата поскапеа, но што велат експертите – Има ли оптимизам за стабилизација?!

Минатата недела Народна банка ја ревидираше проекцијата за инфлација на 4%, наместо претходно очекуваните 2,5%. И послабиот економски раст е резултат на поскапите енергенси. Овие бројки се темелат на оптимистичко сценарио дека војната ќе заврши брзо и нафтата до крајот на годинава ќе се продава по 80 долари за барел.

Клик, па колапс: Измамата „Конти“ собрала 15 милиони евра од граѓаните

Македонецот често нема доверба во институција, но има огромна доверба во „човек од народот“. Ако банка предупредува, тоа звучи како бирократија. Ако финансиски експерт објаснува дека принос од 5 насто неделно не е возможен, тоа звучи како ароганција. Но, ако соседот покаже screenshot од трансакција, тогаш математиката престанува да биде важна.

ТИТАН Усје одбележа две години од „Иноваториум“ – едукативен центар за развој на дигитални и инженерски вештини кај младите

ТИТАН Усје повеќе од 70 години е дел од заедницата, а преку програмата „Партнерство со училиштата“, која се реализира од 2009 година, компанијата континуирано инвестира во подобри услови за учење и развој на учениците

Можно ли е во Македонија да влезе нискобуџетната авиокомпанија „Рајанер“?!

Барањето на Рајанер е 25 евра субвенција по седиште, што е повеќе од 2,5 пати за скопскиот аеродром. Барањето е приоритетно да се опслужуваат дневните авиони. Барањето е да не се користат никакви услуги на скопскиот и охридскиот аеродром.

Почетна плата од 57.000 денари – огласи за унапредување во администрацијата

За сите вработени во Администрацијата и Јавниот Сектор – Активни огласи за УНАПРЕДУВАЊЕ во Институциите, Општините и Јавните Претпријатија за почетна плата од 57.000 денари. Прочитајте, видете ги условите и аплицирајте.

Македонија, Грција, Србија и Бугарија се договорија за проширување на Вертикалниот коридор

Според грчкото Министерство за животна средина и енергетика, на состанокот се разговарало за предизвиците поврзани со европската и регионалната енергетска безбедност, зајакнувањето на меѓусебните поврзувања и енергетската соработка во регионот, како и за потребата од забрзување на стратешките енергетски инфраструктурни проекти.
Сите вести од Бизнис

Најнови вести

To top