Бизнис

Владата најави санкции за компаниите кои нудат плати под минималната

Министерот за економија и труд Бесар Дурмиши вели дека ниту една компанија не смее да нуди работа за плата која е пониска од законски утврдената минимална плата и најави контроли и санкции доколку биде констатирано дека навистина се нудат работни места за плати под минималната.

2 минути за читање

Ниту една компанија во земјава не смее да нуди работа за плата која е пониска од законски утврдената минимална плата, категоричен е министерот за економија и труд Бесар Дурмиши. Тој најави итни инспекциски контроли на терен и казни за сите кои го прекршуваат законот. Реакцијата на министерот следува по информациите во јавноста дека на официјалната веб-страница на Агенцијата за вработување во моментов се нудат дури 9.000 слободни работни места со плати под минималната.

Дурмиши, заедно со директорот на Агенцијата за вработување, денеска го презентираше Новиот оперативен план за вработување за 2026 година, каде одговараше на новинарски прашања за овој сериозен пропуст. Тој најави итен состанок со менаџментот на Агенцијата за вработување и Државниот пазарен и трудов инспекторат.

  • „Ќе имаме состанок и ќе направиме контроли кај овие компании. Ќе ве информираме какви мерки ќе преземеме. Не е важно дали огласите за работа се стари или нови, не може да се нудат огласи со плата под минималната, имаме закон којшто е на сила“, изјави министерот Дурмиши.

Тој испрати јасна порака до бизнис секторот дека државата нема да толерира заобиколување на законските прописи на штета на работниците.

  • „Бидете сигурни дека доколку навистина е така, односно се нудат работни места со плата под минималната, ќе преземеме мерки за тие да бидат санкционирани. Не може ниту една компанија да го злоупотребува законот“, истакна Дурмиши на прес-конференција.

Во следниот период се очекува Трудовиот инспекторат да го прочешла системот на огласување на АВРМ за да се утврди дали станува збор за технички системски пропуст со застанати стари огласи или пак за директно кршење на Законот за минимална плата од страна на работодавачите.

Поврзани теми:

санкции|казни|економија|фирми|топ|актуелно|влада

Повеќе на оваа тема:

Најнови вести од: Бизнис

Народна банка ја задржа стапката на противцикличниот капитален заштитен слој на 2%

И покрај солидната кредитна активност во економијата, Народната банка оцени дека нема потреба од дополнително затегнување на макропрудентната политика и одлучи стапката на противцикличниот заштитен слој на капиталот да остане на ниво од 2 проценти.

ЕСМ и Светска банка потпишаа договор за грант за мега-проект за когенеративна централа „РЕК Битола 1“

Во Владата свечено беше потпишан Договор за грант во вредност од 2,4 милиони американски долари помеѓу АД ЕСМ и Светска банка. Со овие средства официјално започнуваат подготвителните активности за реализација на големиот проект за когенеративната централа „РЕК Битола 1“. На свеченоста, покрај претставниците на Светска банка и АД ЕСМ како директни потписници, присуствуваа и премиерот Христијан Мицкоски, министерката за енергетика, рударство и минерални суровини Сања Божиновска, вицепремиерот и министер за транспорт Александар Николоски, како и министерот за животна средина и просторно планирање Муамет Хоџа.

Дури 15 инвестиции, би донеле 300 милиони евра, само „Иловица-Штука“ тежи 340 милиони евра

Според оценката на Извршниот одбор на ММФ, македонските власти треба да спроведуваат мерки за да го задржат дефицитот на проектираното ниво. Дополнително, тие советуваат и да се креираат мерки со кои јавниот долг до 2035 година би достигнал ниво од 45% од бруто-домашниот производ, а засега е околу 60% од БДП.

Народна банка ја зголеми основната каматна стапка на 4,25% поради инфлациските ризици

Гувернерот Трајко Славески оценува дека е подобро да има повисоки камати за кредитите отколку зголемување на инфлацијата. Во врска со најавите за зголемени провизии од три големи и една помала банка, Славески вели дека Народната банка не гледа причина за зголемувањето

Уште една потврда на светскиот квалитет на вината на „Тиквеш“: 21 нова меѓународна награда

Со 21 нова награда освоени на три престижни меѓународни вински натпревари – Balkans International Wine Competition 2026, Vinarium International Wine Contest 2026 и Concours Mondial de Bruxelles 2026 – Винарската визба „Тиквеш“ уште еднаш ја потврди својата позиција како најнаградувана винарница во Југоисточна Европа

(Видео): Премиерот со лоша вест за оние кои не сакаат државата да успее: Раст на индустријата од 7,5% во април

Една од причините зошто има раст на индустријата во април, според премиерот, е и тоа што преку унгарскиот кредит слеани се финансиски средства во домашните компании каде се очекува инвестициите да бидат најмалку двојно поголеми од вложените средства.

(Фото): Во Битола се произведува спортска опрема – отворена фабриката „Брејнчајлд“, инвестиција 11 милиони евра

Премиерот, Христијан Мицкоски, го означи почетокот на работата на фабриката за производство на опрема за спортови на вода и ветер, „Брејнчајлд“ во Битола.
Сите вести од Бизнис

Најнови вести

To top