Министерот за здравство, Сашо Клековски, информира дека 13-годишното дете кое беше прободено во пределот на срцето во Чаир и натаму е во тешка состојба.
„Последната информација ми е, за жал, од вчера: сè уште е стабилно, но во животнозагрозувачка состојба“, изјави Клековски.
Како позитивна околност, тој посочи дека движењето на срцето е уредно, односно дека кинетиката на срцевиот мускул е во ред. Сепак, Клековски нагласи дека детето и натаму е во животна опасност.
„Од добрата страна, кинетиката, движењето на срцето, е во ред; меѓутоа сè уште е во животна опасност“, рече Клековски.