Хроника

Давел и удирал со тупаници девојка

Откако дознал дека е пријавен, избегал од полициска станица

 

Основното јавно обвинителство Битола поведе постапка против маж осомничен за телесна повреда на својата девојка, која, според наводите на Обвинителството, ја нападнал во нивниот дом на 10 ноември.

По расправија, осомничениот започнал да ја дави жената, а потоа со тупаници и шлаканици ја удирал по главата и телото.

Јавниот обвинител до Судот доставил предлог за определување притвор, наведувајќи дека постои опасност осомничениот да го избегне кривичниот прогон. \

Како особено значајна околност е посочено дека тој, откако дознал дека е пријавен, избегал од полициска станица, што, според Обвинителството, може да го загрози непреченото водење на постапката.

Случајот бил пријавен на 10 ноември, кога 21-годишна битолчанка се обратила во СВР Битола и пријавила дека околу 17 часот била физички нападната од својот партнер К.У.

Според тогашните информации од МВР, девојката пријавила дека подолг период била изложена на физичко и психичко малтретирање и дека партнерот ѝ упатувал закани.

Во полициската станица К.У. дошол доброволно, придружуван од родител. Но, додека полициските службеници преземале дејствија за да го лишат од слобода, тој избегал низ отворен прозорец од просторијата во која се наоѓал.

Најнови вести од: Хроника

„Мислеше дека е мртва и сакаше да се ослободи од нејзиното тело“, тврди мајката на претепаната девојка во Охрид

Најголемата среќа во целата оваа трагедија е што Сара дошла при свест пред напаѓачот да успее да ја однесе и да ја фрли во некоја провалија. Токму затоа, кога сфатил дека таа се освестила, ја фрлил на улица“, наведува мајката

Битолчанка (21) била давена од момчето – Откако бил пријавен, им избегал на полицајците низ прозорец

Бети Ангеловска од Битола, мајка на 21-годишна девојка која минатата недела во полиција пријавила дека била давена и задушувана со голи раце од момчето со кого била во врска и од кого според пријавата – година и половина трпела тепање, закани за убиство и психичко малтретирање, бара итно полицијата да го пронајде осомничениот, бидејќи откако бил пријавен, според нејзинината изјава, осомничениот им избегал на полицајците од полициската станица во Битола наместо да биде задржан.

Гасен пиштол со рамка пронајден кај ученик (15) во средно училиште во Тетово

На 13.11.2026 во 14:40 часот во средно училиште во Тетово, полициски службеници од СВР Тетово, во присуство на родител и училишниот педагог, лишија од слобода 15-годишен малолетник од Тетово затоа што при преглед кај него биле пронајдени и одземени пиштол „Зораки 918-Г“ калибар 9 мм и една рамка.

Мајка цела ноќ ја барала исчезнатата ќерка (12): Била заклучена во автомобил во Сарај!

Мајка од Скопје пријавила дека нејзината 12-годишна ќерка била заклучена против своја волја во автомобил од малолетник, по средба во паркот Сарај. Девојчето, кое претходно било пријавено за исчезнато, се вратило дома следното утро, соопшти Министерството за внатрешни работи.

To top