Хроника

Двајца полицајци од Кичево приведени за грабежот во златарницата во Гостивар

Полицајците се уапсени вчера, а се товарат како соизвршители во ограбувањето на 18 килограми злато на 10 октомври

2 минути за читање

Министерството за внатрешни работи соопшти дека се приведени двајца полициски службеници од Кичево за грабежот на 18 килограми злато од златарницата во Гостивар на 10 октомври.

„Министерството за внатрешни работи до Основното јавно обвинителство Гостивар поднесе кривична пријава против две лица поради сомнение дека како соизвршители учествувале во извршување на кривично дело „разбојништво“ по член 237 став 4 во врска со став 1 од Кривичниот законик. Осомничените се лишени од слобода во текот на вчерашниот ден.

Тие на 10.10.2025, заедно со други засега непознати лица, влегле во златарница во Гостивар и со сила и закана со огнено оружје одзеле 18 килограми злато. Двајцата осомничени се полициски службеници од ОВР Кичево, кои се договориле и направиле план за грабежот заедно со другите лица за кои интензивно се преземаат дејствија за пронаоѓање. Осомничените учествувале во подготовките со извиди на локацијата и на работата на златарницата два дена пред грабежот. На самиот ден, тие со службено возило на МВР го обезбедувале патот на двете возила искористени за грабежот во Гостивар, од кои едното потоа е пронајдено запалено на магистралниот пат Гостивар-Дебар, додека другото е пронајдено напуштено во Кичево, во близина на сточниот пазар.

МВР во координација со ОЈО Гостивар презема мерки и активности за целосно расчистување на случајот“, соопшти Министерството.

Поврзани теми:

мвр|гостивар|апсење|злато|грабеж|Полицајци|златарница

Повеќе на оваа тема:

Најнови вести од: Хроника

Шефови во УЈП и бизнисмени осомничени за криминал тежок 4,8 милиони евра

Заврши распитот на осумте приведени лица поврзани со вчерашната обемна акција во Управата за јавни приходи, по што Основниот кривичен суд Скопје им определи мерка притвор во траење од 30 дена. Како што информира Судот, по нивното произнесување, како и по оценка на фактите и приложените докази, бил прифатен предлогот на обвинителството и на сите осум осомничени им е определен притвор поради постоење на сите три законски основи – опасност од бегство, можност за влијание врз сведоци, како и ризик да го довршат или повторат кривичното дело.

Пијан скопјанец ја претепал партнерката, ја давел и ѝ се заканувал со нож

Јавен обвинител од Основното јавно обвинителство Скопје поведе постапка против 51-годишен скопјанец за кого постои основано сомнение дека сторил кривично дело – телесна повреда и загрозување на сигурноста според Кривичниот законик. На 14 јануари, во видно алкохолизирана состојба, осомничениот ја нападнал својата партнерка во домот во Гази Баба во кој таа привремено престојувала. Ја удирал по главата и телото, ја давел за вратот, а и се заканил и со нож со кој замавнал кон неа.

Жител на Чучер Сандево се заканувал дека ќе ја запали сопругата и ќе ја убие со двете ќерки, му нашле автоматска пушка и над 70 куршуми

Осомничениот, на 13 јануари, во својот дом во Чучер Сандево, држел автомат STEN MKII кој им е целосно забранет на граѓаните, како и 71 куршум муниција со калибар 9 мм соодветна за испукување од тоа автоматско оружје.

Албанскиот конзул ја спасил од нацистите – почина најстарата битолчанка која го преживеа Холокаустот

Во Бостон, САД, на 108-годишна возраст почина Рејчел Нахмијас, најстарата преживеана Еврејка од Битола и една од ретките членови на битолската еврејска заедница што го преживеа Холокаустот.
Сите вести од Хроника

Најнови вести

To top