Лицата со иницијали А.Ф. и М.Ф. од гостиварското село Видуше се двајцата загинати во тешката сообраќајна несреќа што се случи попладнево на регионалниот пат Маврово – Дебар, соопшти Министерството за надворешни работи.
Несреќата се случила кога возачот изгубил контрола на патничкото возило „фолксваген бора“ со гостиварски регистарски таблички и излетал од патот во реката Радика.
Несреќата е пријавена во 15:50 часот во ОВР Гостивар.
По насоки на јавен обвинител патничкото возило ќе биде задржано во Полициска станица Гостивар за вонреден технички преглед, а телата на починатите ќе бидат дадени за обдукција.
Се преземаат мерки за утврдување на причините за несреќата.