Во кругот на гробиштата во Ѓорче Петров вчера напладне се развила „размена на аргументи“ со сила за паркинг место, при што бил употребен дрвен предмет.
„На 24.01.2026 во 12:00 часот во СВР Скопје е пријавено дека во кругот на гробиштата на подрачјето на Ѓорче Петров во Скопје, по претходно недоразбирање околу паркинг простор, бил нарушен јавниот ред и мир со физичка пресметка помеѓу Ј.Ф.С. (38) и Д.С. (33), двајцата од Скопје, при што Ј.Ф.С. употребила и дрвен предмет, а Д.С. физички ја нападнал мајката на Ј.Ф.С., С.Ф. (60). По целосно документирање на случајот, ќе следува соодветен поднесок“, стои во билтенот на МВР.