Хроника

Прободениот ученик во Ченто во стабилна, но критична состојба, Стефковски со остра осуда

Насилството не може да се оправда со ништо, порача градоначалникот на Гази Баба за настанот што ја вознемири јавноста

2 минути за читање

Ученикот од основно училиште во скопската населба Ченто, прободен со нож во училиштето од поранешен ученик, се наоѓа во стабилна состојба, но и понатаму во животна опасност.

„Пациентот има 14 години и е примен вчера околу 14:40 часот со убодна рана во пределот на стомакот и расекотина на главата. По приемот, извршена е компјутерска томографија и лабораториски тестови и итно е префрлен на интензивна нега, каде што е утврдена индикација за итна операција. Пациентот е опериран вчера. Неговата состојба е стабилна денес, но сепак е во животна опасност. Има оштетување на црниот дроб и на долната шуплива вена, која е вена во пределот на стомакот“, изјави Игор Мерџановски, директор на ТОАРИЛУЦ.

За немилиот настан во неговата општина се огласи и градоначалникот Бобан Стефковски со остра осуда.

„Со жалење и сериозна вознемиреност ја примив информацијата за немилиот настан кој се случил во училиште во Ченто, каде што еден поранешен ученик, кој минатата година го завршил своето образование во ова училиште, дошол и повредил ученик од деветто одделение. Во разговор со членови на семејството на повредениот ученик информиран сум дека детето е во добра здравствена состојба и се наоѓа на болничко лекување. Како градоначалник на Општина Гази Баба изразувам најостра осуда на ваквиот чин. Насилството не може да се оправда со ништо“, реагира тој.

Поврзани теми:

Бобан Стефковски|Ченто|ТОАРИЛУЦ|Ненад Мерџановски|актуелно|Гази Баба

Повеќе на оваа тема:

Најнови вести од: Хроника

Јанев по полициската операција во Прилеп: Митот за „недопирливите“ падна, повеќе не може никој да се крие зад „врски“!

По големата полициска операција, спроведена пред два дена во која беше сузбиена организирана криминална група, вмешана во недозволена трговија со дрога и економски криминал, директорот на Бирото за јавна безбедност Александар Јанев денеска го посети Одделението за внатрешни работи во Прилеп.

Дејан Јованов доби 30-дневен притвор за случајот „Пулс“, сега за поткуп

Судија на претходна постапка при Основниот кривичен суд Скопје определи притвор во траење од 30 дена за Дејан Јованов од Кочани. Тој постапуваше по предлогот за тоа Јавниот обвинител од Јавното обвинителство за гонење на организиран криминал и корупција.

Директорот во „Државна лотарија“ Владо Петковски на судењето негираше сознанија за влијание на Груби врз одлуките на Бајрами

Со вкрстено испитување на сведокот Владо Петковски, директор на Секторот за игри на среќа во АД „Државна лотарија“, денеска во Основниот кривичен суд Скопје продолжи судењето за предметот „Државна лотарија“, откако претходно тој беше директно испитан од обвинителството.

Тошковски: Разбиена сериозна криминална група, дел од неа дејствувал над 15 години во Македонија и во земји од ЕУ!

Министерот за внатрешни работи Панче Тошковски во гостување во Радио Лидер соопшти детали за големата полициска акција, која вчера беше спроведена во Прилеп. Тој посочи дека е разбиена многу сериозна организирана криминална група, на која Министерството за внатрешни работи, во координација со Јавното обвинителство и со странски партнерски служби, работело повеќе од една година.  „Значителен дел од таа организирана криминална група повеќе од 15-тина години го правела тоа што го правела и биле недопирливи за органите на прогон.“ – истакна Тошковски.
Сите вести од Хроника

Најнови вести

To top