Хроника

Светиниколец 15 часа ја држел затворена и ја тепал бремената девојка!

Кога оштетената се обидела да избега, обвинетиот ѝ го одзел мобилниот телефон и ја заклучил во спалната соба

1 минута за читање

Основното јавно обвинителство Свети Николе поднесе обвинение против 21-годишник за нанесување телесна повреда при семејно насилство, како и за противправно лишување од слобода.

Кривичноправниот настан се случувал на 19 и 20 февруари во куќа во Свети Николе, во која двајцата живееле во семејна заедница.

Насилникот, според наводите во обвинението, прво ја навредувал, а потоа почнал да ја удира жртвата со тупаници. Таа се онесвестила од ударите, па ја однел во бањата каде што ја освестил со ладна вода и повторно почнал да ја удира и да ја влече за коса, нанесувајќи ѝ повеќе телесни повреди по главата и телото.

Кога оштетената се обидела да избега, обвинетиот ѝ го одзел мобилниот телефон и ја заклучил во спалната соба, каде што ја држел околу 15 часа спротивно на нејзината волја.

Јавниот обвинител, заедно со обвинението, поднел и предлог за определување мерка притвор за обвинетиот.

Во меѓувреме, се вршат дополнителни проверки во однос на наводи и сомненија за други злоупотреби од страна на истото лице кон оштетената, кои произлегуваат од нејзиниот исказ даден пред јавниот обвинител.

Поврзани теми:

топ|семејно насилство|Свети Николе|бремена девојка|Основно јавно обвинителство

Повеќе на оваа тема:

Најнови вести од: Хроника

Тешка сообраќајна несреќа во Гостивар: шестмина повредени, четворица од нив тинејџери

На 03.10.2026 околу 22 часот во ОВР Гостивар е пријавено дека на крстосницата на ул. „Кеј Вардар“ и ул. „Тоде Богдановски“ во Гостивар, се случила сообраќајна несреќа во која учествувале патнички возила „голф“, управувано од Е.Р. (18), „голф“, управувано од Б.А.(19), „бмв“, управувано од М.М. (25) и паркирано возило „пасат“ во сопственост на Е.С. (54), сите од Гостивар.

Јанев по полициската операција во Прилеп: Митот за „недопирливите“ падна, повеќе не може никој да се крие зад „врски“!

По големата полициска операција, спроведена пред два дена во која беше сузбиена организирана криминална група, вмешана во недозволена трговија со дрога и економски криминал, директорот на Бирото за јавна безбедност Александар Јанев денеска го посети Одделението за внатрешни работи во Прилеп.

Дејан Јованов доби 30-дневен притвор за случајот „Пулс“, сега за поткуп

Судија на претходна постапка при Основниот кривичен суд Скопје определи притвор во траење од 30 дена за Дејан Јованов од Кочани. Тој постапуваше по предлогот за тоа Јавниот обвинител од Јавното обвинителство за гонење на организиран криминал и корупција.

Директорот во „Државна лотарија“ Владо Петковски на судењето негираше сознанија за влијание на Груби врз одлуките на Бајрами

Со вкрстено испитување на сведокот Владо Петковски, директор на Секторот за игри на среќа во АД „Државна лотарија“, денеска во Основниот кривичен суд Скопје продолжи судењето за предметот „Државна лотарија“, откако претходно тој беше директно испитан од обвинителството.

Тошковски: Разбиена сериозна криминална група, дел од неа дејствувал над 15 години во Македонија и во земји од ЕУ!

Министерот за внатрешни работи Панче Тошковски во гостување во Радио Лидер соопшти детали за големата полициска акција, која вчера беше спроведена во Прилеп. Тој посочи дека е разбиена многу сериозна организирана криминална група, на која Министерството за внатрешни работи, во координација со Јавното обвинителство и со странски партнерски служби, работело повеќе од една година.  „Значителен дел од таа организирана криминална група повеќе од 15-тина години го правела тоа што го правела и биле недопирливи за органите на прогон.“ – истакна Тошковски.
Сите вести од Хроника

Најнови вести

To top