Хроника

Трагедија во водите на Охридското езеро

Трагична несреќа се случила во водите на Охридското Езеро, каде животот го загубил 57-годишен охриѓанец откако кануто со кое управувал се превртело на околу 200 метри од брегот

1 минута за читање

Од полицијата информираат дека случајот бил пријавен на 10 октомври 2026 година во 18:30 часот во Полициската станица за граничен надзор „Охридско Езеро“. Несреќата се случила во близина на месноста „Извиднички“, каде што се превртело кануто управувано од А.Н. (57) од Охрид.

По добиената пријава, веднаш биле испратени полициски службеници и екипа на Итната медицинска помош. Лекарската екипа на местото на настанот констатирала смрт кај мажот.

Увид на местото извршила увидна екипа од СВР Охрид, а по наредба на јавен обвинител, телото на починатиот било предадено на обдукција.

Со обдукцијата треба да се утврдат точните причини за смртта и дополнителните околности под кои се случила несреќата.

Поврзани теми:

избор|трагедија

Повеќе на оваа тема:

Најнови вести од: Хроника

Доживотен затвор за серискиот убиец Трајко Бојковски, поради четири убиства и два обида за убиство на жени

Основниот суд во Куманово денеска ја изрече пресудата за Трајко Бојковски, обвинет за четири убиства и два обида за убиство на жени во регионот на Старо Нагоричане. Судот го осуди Бојковски на казна доживотен затвор, со што заврши првостепената судска постапка која предизвика голем интерес во јавноста.

Од 12 октомври 2026 започнува „Безбеден град“ во Охрид, Струга, Кичево и во Дебар

Министерството за внатрешни работи ја известува јавноста дека од понеделник (12.10.2026), системот за сообраќаен надѕор „Безбеден град“ започнува со работа и на подрачјето на СВР Охрид, односно и во Струга, Кичево и во Дебар.

Притвор и куќен притвор на двете вработени во АД „Државна лотарија“ за проневера на 1,3 милиони евра

Судија на претходна постапка од Основниот кривичен суд Скопје постапувајќи по предлог на Обвинителството, им определи мерка притвор и куќен притвор на двете осомничени финансиски раководителки во АД „Државна лотарија“ за “проневера во служба”.

Одземен пасошот и забрана за работа за Вишиот јавен обвинител од Битола, се сомничи за криминал и мито

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење на организиран криминал и корупција за определување мерки за претпазливост против П.В. – Виш јавен обвинител од Битола, по сослушување на осомничениот во присуство на неговиот бранител, како и по ценење на фактите и доказите содржани во предлогот, донесе решение со кое го прифати предлогот на ОЈО ГОКК.
Сите вести од Хроника

Најнови вести

To top