Хроника

Тројца уапсени за горење кабли за да вадат бакар

Испуштени штетни материи во воздухот

1 минута за читање

Основното јавно обвинителство Охрид донесе наредба за спроведување истражна постапка против три лица осомничени за кривично дело „Загрозување на животната средина и природата со отпад“ според член 230 став 1 од Кривичниот законик.

Според обвинителството, тројцата соизвршители на 17 септември дошле со товарно возило наполнето со отпад во близина на депонијата „Буково“.

Таму почнале да палат отпадни гумени кабли за да ги издвојат бакарните жици. При горењето се создал чад и во воздухот биле испуштени штетни материи.

Јавниот обвинител до судијата на претходна постапка при Основниот суд во Охрид доставил предлог за определување мерка притвор за тројцата осомничени.

Од Обвинителството наведуваат дека предлогот за притвор е поднесен првенствено поради опасност од бегство, како и поради можноста осомничените да влијаат врз сведоците во постапката.

Поврзани теми:

избор|Охрид|уапсени|ОЈО|Буково

Повеќе на оваа тема:

Најнови вести од: Хроника

Доживотен затвор за серискиот убиец Трајко Бојковски, поради четири убиства и два обида за убиство на жени

Основниот суд во Куманово денеска ја изрече пресудата за Трајко Бојковски, обвинет за четири убиства и два обида за убиство на жени во регионот на Старо Нагоричане. Судот го осуди Бојковски на казна доживотен затвор, со што заврши првостепената судска постапка која предизвика голем интерес во јавноста.

Од 12 октомври 2026 започнува „Безбеден град“ во Охрид, Струга, Кичево и во Дебар

Министерството за внатрешни работи ја известува јавноста дека од понеделник (12.10.2026), системот за сообраќаен надѕор „Безбеден град“ започнува со работа и на подрачјето на СВР Охрид, односно и во Струга, Кичево и во Дебар.

Притвор и куќен притвор на двете вработени во АД „Државна лотарија“ за проневера на 1,3 милиони евра

Судија на претходна постапка од Основниот кривичен суд Скопје постапувајќи по предлог на Обвинителството, им определи мерка притвор и куќен притвор на двете осомничени финансиски раководителки во АД „Државна лотарија“ за “проневера во служба”.

Одземен пасошот и забрана за работа за Вишиот јавен обвинител од Битола, се сомничи за криминал и мито

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење на организиран криминал и корупција за определување мерки за претпазливост против П.В. – Виш јавен обвинител од Битола, по сослушување на осомничениот во присуство на неговиот бранител, како и по ценење на фактите и доказите содржани во предлогот, донесе решение со кое го прифати предлогот на ОЈО ГОКК.
Сите вести од Хроника

Најнови вести

To top