Нигериец, со американски пасош, беше уапсен во раните утрински часовивчера откако физички нападнал полицаец во бар во Градскиот парк во Скопјe.
Според полицијата, при претрес, кај дотичниот е пронајдено оружје и муниција, за кои немал дозвола.
„На 21.12.2025 година, во 04:30 часот, пред хотелски објект во Градскиот парк во Скопјe, полициски службеници од СПБ-Скопје го лишиле од слобода У.И.У. (37) од Нигерија (со американски пасош и лична карта), бидејќи физички нападнал полицаец кој извршувал службени задачи. При претресот се пронајдени и одземени пиштол „Глок“, два шаржери и 30 патрони, за кои не поседувал дозвола.
По целосно документирање на случајот, ќе следи соодветен извештај“, велат од МВР.