Откако вчера во Ѓорче Петров 76-годишната О.А. беше пронајдена мртва во сопствениот дом од страна на нејзината ќерка, полицијата во експресна акција им влез ево трага на осомничените и уапси три лица, неофицијално дознава порталот Прес24.
Телото на убиената О.А. било со тешки и видливи траги од брутално насилство
Според соседите, жената три години живеела сама, а последен пат била видена завчера. Во текот на ноќта, пред да биде пронајдена мртва, соседите не забележале ништо невообичаено.
Ова е второ убиство во Ѓорче Петров во последните 5 дена. Минатата недела МВР информираше дека 62-годишен маж со траги на насилство е пронајден во сопствениот дом.
Според неофицијалните сознанија на медиумите, зад морбидната серија злосторства стои најнискиот мотив – користољубие и пари.
Како што наведува Прес24, жртвите прво биле убиени, па ограбени.