По трагедијата во Скопско кога завчера загина 19 годишно момче од Побожје во нов трагичен сообраќајен инцидент со мотор рано утринава во ресенско, животот го загубил 44-годишен жител на Љубојно.
Според билтенот на МВР, околу 05:45 изутрина во СВР Битола било пријавено дека на влезот во село Брајчино, Ресенско, мотоциклистот В.Т. (44) од Љубојно, управувајќи мотоцикл со ресенски регистарски ознаки, изгубил контрола над возилото и излетал од патот.
Во несреќата тој се здобил со тешки повреди, од кои починал на самото место. Лекар од Итната медицинска помош констатирал смрт. На местото на несреќата извршила увид екипа од ОВР Ресен. По наредба на јавен обвинител, телото на починатиот е предадено на обдукција.