Македонија

Нечовечко однесување во Аеродром, МВР и ЈО истражуваат

Детето избегало до својот родител кој бил во близина, и случајот веднаш бил пријавен во полиција и во Јавното обвинителство

Во угостителски објект во скопската населба Аеродром, каде има и игротека, се случил сериозен инцидент при што 10-годишно дете пријавило несоодветно однесување од страна на вработен келнер.

Детето кое било во игротеката внатре во угостителскиот објект, отишло само до шанкот да побара вода, при што келнерот започнал комуникација со него. Разговорот, според информациите на А1он, прераснал во вознемирувачка ситуација, при што вработениот наводно го гушнал детето и му упатил недолични барања од сексуална природа. Прво барал детето да го покаже половиот орган, а потоа предложил да одат до тоалетот заедно и тој да му го покаже.

Детето избегало до својот родител кој бил во близина, и случајот веднаш бил пријавен во полиција и во Јавното обвинителство. Родителот наведува дека детето го препознало лицето кое имало комуникација со него, по што биле прегледани и снимките од безбедносните камери, на кои, според нивните тврдења, се гледа физички контакт.

Осомничениот, како што тврди родителот за А1он, признал дека комуникацијата била „на шега“, но ваквото објаснување не ја намалува сериозноста на наводите. По настанот, детето било однесено на разговор со психолог, каде покажало знаци на вознемиреност и траума.

Родителите посочуваат дека во објектот често престојуваат деца поради што има игротека, и апелираат до јавноста за зголемена внимателност и надзор. Тие исто така бараат институциите целосно да го расчистат случајот и соодветно да постапат.

Од Министерството за внатрешни работи засега нема официјални детали за случајот.

Најнови вести од: Македонија

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

„КАЖИ НЕ!“ – кампања на МВР против сексуалната злоупотреба на деца во дигиталниот простор (ВИДЕО)

Целта на кампањата е да се подигне свеста кај децата, младите, родителите и пошироката јавност за препознавање и спречување на сексуалната злоупотреба во дигиталниот простор

Јовановски: На негирањата на македонската историја ќе одговориме со научна храброст и смиреност

„Од национални приказни до испреплетени истории“ е насловот на дводневната меѓународна конференција што ја организира Институтот за историја при Филозофскиот факултет на УКИМ по повод 80 години од неговото основање. Програмата опфаќа неколку пленарни и тематски сесии посветени на историските процеси, националните наративи, културните и дипломатските односи, како и на современите пристапи во историските истражувања. Учесниците ќе се претстават со реферати за историјата на Македонија од средновековниот период до современата државност, за односите на Балканот, османлискиот период, светските војни и меѓународните историски влијанија.

Најнови вести

To top