Македонија

СДСМ со исти тези како Софија се бори против Мицкоски

Венко ли е Виктор ли е – Бихаќка со идентични пораки со бугарските радикали

Филипче и бугарската Фондација „Македонија“ со идентична порака: Паднаа Орбан и Вучиќ, следен е Мицкоски

Лидерот на СДСМ, Венко Филипче, и претседателот на бугарската Фондација „Македонија“, Виктор Стојанов објавија пораки со речиси идентична теза по изборните случувања во Србија.

Двајцата го поврзуваат поразот на Виктор Орбан во Унгарија и на Александар Вучиќ во Србија со очекување дека следен ќе падне Христијан Мицкоски.

Во објавата на Филипче која има иста порака како таа прикажана и споделена во контекст на фондациската страница се вели:

„Честитки до граѓаните на Србија за големата, историска победа!
Како што најавивме, следува ослободување од криминалните структури на власта. Падна Орбан. Падна Вучиќ. Сите знаеме кој е следен.
Очекувам Србија и Македонија да градат најдобри можни односи, засновани на меѓусебно почитување и соработка.“

Фондацијата „Македонија“ ја објави истата теза под насловот „Тик-так“, проследена со визуел на домино-ефект: паднати плочки со ликовите на Орбан (со унгарско знаме), Вучиќ со српско и Мицкоски со македонско знаме, што ја илустрира тезата за последователен пад.

Двете објави ја третираат победата на студентската листа на парламентарните избори во Србија како дел од поширок процес, со јасна алузија дека следниот во низата е актуелниот македонски премиер.

Филипче дополнително најавува дека во Македонија „нè чека борба, ни малку лесна, затоа што се бориме против остатокот од оваа криминална балканска група“.

Објавите доаѓаат непосредно по признавањето на изборниот пораз од страна на Вучиќ и прелиминарните резултати според кои опозициската студентска листа освоила мнозинство. Орбан претходно го загуби премиерското место на унгарските избори во април 2026 година.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top