„Крилото на Зијадин Села во Алијансата за Албанците одржа состанок на претседателството, на кој беше донесена одлука за самостојно дејствување. Најавено е најавено дека ќе покренат постапка во Собранието да дејствува независно нивната пратеничка група.“ – објави ТВ 21 во својата информација „АА на Села се раздели од Националната алијанса за интеграција (НАИ): Ќе дејствуваме самостојно“.
Натаму, телевизијата пишува: Соопштувајќи го ова АА на Села, посочи дека дека оваа одлука е донесена по расправата за моментната политичка состојба, за одржувањето и исходот од локалните избори, како и за нивните натамошни чекори како политички субјект. „По суштински и многу важни дискусии, членовите на Претседателството едногласно донесоа одлука за самостојно дејствување на Алијансата за Албанците, Во наредните денови пратениците на АА ќе поднесат барање во Собранието да дејствуваат како независна група.“ – се наведува во соопштението. Сепак, тие додаваат дека ќе останат во опозиција.
Во својата информација „Зијадин Села ги раздели патиштата од Али Ахмети и Националната алијанса за интеграција“ информативниот портал „Тетова сот“ објави: Алијансата за Албанците на Зијадин Села, исто така, истакнува наведува дека „сегашните партнери на коалицијата се известени за овој чекор“.
АА на Села изјавува дека албанската национална кауза, рамноправноста на Албанците во државата и во Уставот, како и справувањето со штетите, според нив, „предизвикани од сегашната Влада“, „остануваат главни приоритети на политичкото дејствување“. „Во овој контекст структурите на AА на Села ќе започнат средби со членови, граѓани, организации и политички актери, заради зајакнување на редовите и подготовка за идните политички битки.“ – објави „Тетова сот“.