Ако Kиро Глигоров одбил 100 милиони долари за промена на името на државата како што стои во документите на ЦИА, тогаш се поставува прашањето колку пари земале Зоран Заев и неговиот ученик и другар Венко Филипче за промената на името, поточно за завршување на таа работа.
Прашањето поставено од ВМРО-ДПМНЕ, следи логично по последните објави на документи на ЦИА.
Од партијата велат дека има ситуација кога говори дека Зоран Заев и Венко Филипче по седумте години власт енормно и необјасниво многу се збогатиле.
„Тоа се гледа од тоа што првиот купува удели во авио компании, а вториот има златна виза во Дубаи“, велат од ВМРО-ДПМНЕ.
„Ова логично прашање заслужува одговор од неколку аспекти. Прво, станува збор за прашање од важност за државата и граѓаните, второ, ако земале пари тоа се нелегални активности.
Граѓаните заслужуваат одговор на ова логично прашање кое се отвори по објава на документи на ЦИА во кои се вели дека Глигоров одбил понуда да земе пари. Значи ако Глигоров одбил, а истото прашање го затворија Заев и Филипче, тие треба да одговорат за колку пари сториле предавство“, се вели во денешното соопштение од ВМРО-ДПМНЕ.
Глигоров одбил 100 милиони долари мито од Грција за да го смени името