Македонија

Албанците му го свртеа грбот на Ахмети , слаб одзив на протестот за подршка на УЧК

Лидерот на ДУИ, Али Ахмети, денеска организираше протест на плоштадот „Скендербег“ во Скопје, под слоганот „Јас сум УЧК“.

Лидерот на ДУИ, Али Ахмети, денеска организираше протест на плоштадот „Скендербег“ во Скопје, под слоганот „Јас сум УЧК“. Според неговите изјави, протестот имал за цел барање правда и отфрлање на, како што ги нарече, измислените обвинувања на Србија и Русија, при што истиот бил замислен и како израз на почит кон жртвите и одбрана на историската вистина.

Ахмети преку јавни настапи и објави истакна дека „слободата има име, УЧК“ и дека ова име, според него, останува дел од националниот идентитет и достоинство. Со овие пораки тој повика на заедничко и одговорно учество на протестот, очекувајќи масовна поддршка од граѓаните.

Наспроти очекувањата на ДУИ, на протестот во моментот има едвај околу 2.000 луѓе, што е значително помал одѕив од најавуваното. Ваквата бројка се толкува како јасна порака дека политиките на ДУИ повеќе не наидуваат на поддршка ниту кај Албанците, на кои, како што се наведува, им е преку глава од национализам и шовинизам. Со слабото присуство, граѓаните, според оценките, испратија порака дека очекуваат реални проекти и решенија во областа на инфраструктурата, економијата, здравството и образованието, наместо во празни политички приказни.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top