Македонија

Алиу: Доктор во јавно здравство заработил 11 илјади и 400 евра за еден месец! Можна е кривична одговорност за ваквата пракса!

Министерот за здравство Азир Алиу денеска на прес-конференција откри дека доктор вработен во јавно здравство заработил 700 илјади денари за еден месец, но притоа не сподели детали за кого станува збор и за која здравствена институција. Претседателот на Владата на Македонија Христијан Мицкоски вчера од собраниската говорница зборуваше за доктори, кои со книжење дежурства и други додатоци стигнувале до баснословни 10 илјади евра месечно во јавните здравствени установи! Најновиот случај е само потврда повеќе на оваа информација од македонскииот премиер.

2 минути за читање

– И Министерството за здравство и Владата ги знаат институциите, дозволете институционално да го решиме ова. Не би смеел да ги кажам деталите на прес-конференција бидејќи ќе загрозам систем што не треба да се загрози. Знаеме дека нашата работа може да се заврши за две недели отсега, но тие се процедури и ќе треба други институции да ги процесуираат – посочи министерот Алиу. 

Алиу не ја исклучува можноста за кривична одговорност за ваквата пракса. Најави дека ќе воведаат системи за евиденција на работното место со отпечаток од прст (фингер принт) за здравствените работници и рече дека веќе во две клиники го тестираат ваквиот систем, соопшти МИА.

– Системот првин ќе биде воведен во клиниките во Скопје, а потоа и во другите клиники во земјата за да може да ги следиме законски. Имаме ситуации каде што доктори прегледуваат еден пациент неделно, а други и 100 пациенти неделно. И едното и другото не е во ред. Мора да ги следиме и да направиме систем, кој, прво, реално ќе го следиме ние како Министерство и, второ, ќе реагираме навреме – рече министерот.

Според Алиу, имало установи во кои се работела дополнителна дејност двојно подолго (41 процент) од законски утврдениот минимум, кој изнесува 20 проценти од часовите. Алиу информира дека вакви ситуации има во седум клиники. Потенцира дека двајца специјалисти од иста специјалност имале многу голема разлика во бројот на извршени операции, едниот имал 1.134, а другиот 470. Во внатрешноста, како што потенцира, имало лекари што не направиле ниедна операција цела 2025 година.

Министерот Алиу информира и дека има голема разлика меѓу бројот на реализирани упати за шест месеци во 2025 година – еден доктор имал 16.526 реализирани упати, а друг доктор во друга клиника само 7.352 реализирани упати. – Иако се работи за различни специјалности, мора да следиме како овие разлики се можни. Има бројки што се нелогични за здравствениот систем – рече Алиу и ќе се утрврдува, вели дали е тоа резултат на немање законски решенија или од менаџирањето со таа институција.

Тој најави дека Министерството за здравство ќе бара информации колку време лекарите од јавното здравство поминуваат во приватните здравствени установи. – Со тешки маки и енергија доаѓаме до податоци. Институциите не ги ажурираат податоците за тоа колкава е листата на чекање иако имаат законска обврска. Мора да се смени менталитетот. И затоа ќе работиме паралелно – и на законски решенија и на терен со нашите органи, кои имаат надлежност за тоа – рече Алиу.

Поврзани теми:

топ|актуелно|министер за здравство Азир Алиу|доктор од јавно здравство со плата од 11 илјади и 400 евра|можна кривична одговорност

Најнови вести од: Македонија

Ѓорѓиевски: Нова зона и нови дигитални услуги за корисниците на „Градски паркинг“ – чекор напред кон поуредено и пофункционално секојдневие во Скопје!

Денес заедно со градоначалникот на Општина Аеродром, Дејан Митески и директорот на ЈП „Градски паркинг“ Владимир Кроневски го означивме почетокот на нов, современ начин на користење на услугите, како и стартот на новата зона Д 12 во Реонскиот центар во Општина Аеродром. Станува збор за простор кој се уредуваше во повеќе фази, поради неговата големина и значење. – објави градоначалникот на Скопје Орце Ѓорѓиевски на свјот официјален фејсбук-профил.

Мицкоски: Како ниедна држава во Европа го намаливме ДДВ на нафтата, следи намалување и на акцизите и маржата!

Владата ја следи состојбата со цените на нафтата и доколку продолжи растот на берзите по истекот на двонеделната мерка за намалување на ДДВ-то од 18 на 10 отсто, доколку продолжи растот, следна мерка ќе биде намалување на акцизите и маржата, односно цената на складирање и транспортните трошоци – истакна денеска премиерот Христијан Мицкоски.

Кривично ќе одговараат една фирма и три лица: осомничени дека со малверзации со огревни дрва го оштетиле буџетот на „Национални шуми“ за околу 101 илјада евра!

Надворешната канцеларија за криминалистички работи Кичево поднесе кривична пријава против правно лице од село во општина Македонски Брод и Б.Б.(21) од Кичево, управител на правното лице, поради постоење основи на сомнение за сторени две кривични дела „кражба“, против Б.Б.(45) од село Пласница, поради постоење основи на сомнение за сторени кривични дела „вршење јавен превоз без поседување лиценца“ и „употреба на исправа со невистините содржини“, како и против Г.П.(50) од Кичево, вработен во ЈП „Национални шуми“, поради постоење основи на сомнение за сторено кривично дело „несовесно работење во службата“.

Скопјанецот Б.Л. (46) фатен зад волан со рекордни 4,01 промили алкохол! Удрил во две паркирани возила, а неговото му е одземено!

Ако не за светски „Гинис“, тогаш сигурно е за балкански и европски „Гинис“: МВР соопшти за скопјанецот, уапсен, оти возел со рекордни 4.01 промили алкохол во крвта! Притоа, удрил во две паркирани возила.

Мицкоски за „грчката интервенција“ околу името Македонија во говорот на Меланија Трамп: Невозможно е некој дипломатски претставник однадвор да ѝ го рецензира!

Премиерот Христијан Мицкоски ги отфрли како неосновани наводите во дел од грчките медиуми дека нивниот амбасадор во САД интервенирал во говорот на првата дама на САД, оценувајќи дека такво нешто е практично невозможно и оти претставува обид за медиумска манипулација.

Савески: Ќе се постапува за секој предмет, за кој има законска основа

Новоизбраниот државен јавен обвинител Ненад Савески нагласи дека никогаш нема да коментира ничија изјава, посочувајќи дека дека првото нешто, што го направил откога е на функцијата, е средба со јавните обвинители во Државното јавно обвинителство. Тој најави дека планира средби и со сите јавни обвинители, односно во подрачја на вишите јавни обвинителства, кои се четири, па потоа и со основните обвинителства.
Сите вести од Македонија

Најнови вести

To top