Македонија

Амбасада на САД: Лажат сите што тврдат дека можат да ви аплицираат за Зелена карта за 2027

Процесот за апликација воопшто не е отворен

2 минути за читање

Лажат сите поединци или фирми кои што рекламираат дека може да помогнат во процесот на добивање на  Виза за разновидност како еден од начините да се добие постојан престој познат како Зелена Карта или Green card.

,,Периодот за регистрација за Виза за разновидност (DV) 2027 во моментов не е отворен. Свесни сме за извештаи за лажни тврдења дека пријавувањето за DV-2027 е отворено и за поединци и служби кои лажно тврдат дека можат да ги зголемат вашите шанси за избор. Ова не е вистина”, објавуваат од амбасадата на САД.

 

Датумите за регистрација за DV-2027 и деталите за промените во процесот за оваа година ќе бидат објавени од страна на Стејт департментот кога ќе бидат достапни, се вели во реакцијата на амбасадата на информации објавени на социјалните мрежи во кои се тврди дека за парична надокнада може да се посредува за вадење зелена карта .

 

 

Со Законот за имиграција од 1990 година САД ја воспостави програмата за виза за разновидност (DV), каде што 55.000 имигрантски визи ќе бидат достапни на годишна лотарија, почнувајќи од фискалната 1995 година.

Лотаријата има за цел да ја диверзифицира имигрантската популација во Соединетите Американски Држави, со избирање на кандидати претежно од земји со ниски стапки на имиграција во Соединетите Американски Држави во претходните пет години.

Поврзани теми:

САД|топ|Зелена карта|виза за разновидност

Повеќе на оваа тема:

Најнови вести од: Македонија

Ескалира ситуацијата во Иран: убиени најмалку 50 демонстранти и 15 припадници на безбедносните сили биле убиени, а околу 2.300 уапсени

Техеран сигнализира пожестока пресметка со демонстрантите, приведени 200 „организатори“Во саботата американскиот претседател Доналд Трамп, кој последните денови постојано се закануваше со воен напад врз Иран објави на социјалните мрежи: „Иран сака слобода, можеби како никогаш досега. САД се подготвени да помогнат!!!“ Иранските власти во саботата вечерта навестија дека би можеле да ги засилат мерките против […]

Утринава на Попова Шапка најстудено, минус 8 степени, но и најмногу снег, 31 сантиметар

Времето денеска ќе биде променливо облачно и студено, претпладне со повремени локални врнежи од снег, попладне врнежите ќе престанат. Ќе дува умерен, а долж Повардарието засилен ветер од северен правец. Максималната температура ќе биде во интервал од -1 до 5 степени. Во Скопје, променливо облачно и студено. Претпладне со повремен слаб снег. Ќе дува умерен, во делови од котлината повремено засилен ветер од северен правец. Максималната температура ќе достигне до 3 степени.

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top