Во празничната честитка натаму шефот на американската дипломатија нагласува: Соединетите Американски Држави се горди, што стојат покрај С. Македонија како доверлив сојузник и партнер. С. Македонија игра важна улога во зајакнувањето на безбедноста и стабилноста низ целиот регион преку нејзината посветеност на нашата заедничка одбрана и соработка во борбата против тероризмот и напорите за сајбер безбедност,
Американскиот државен секретар го поздравува постојаниот раст на економското партнерство, вклучително и преку годинашниов Стратегиски дијалог во Вашингтон.
– Заедно ги унапредуваме можностите во енергетиката, инфраструктурата, технологијата и другите сектори за зајакнување на просперитетот во двете наши земји. Ви посакуваме радосен Ден на независноста и непрестаен мир, безбедност и просперитет, во годините што доаѓаат, истакнува Рубио во честитката, објавена на веб страницата на американскиот Стејт департмент – Министерство за надворешни работи.