Андреевски истакна дека Ревизискиот Извештај со кој на виделина испливаа еден куп сомнежи за грабеж и бесрамно пљачкосување на парите на Центарци. Сомнежи кои допрва треба да се најдат пред Обвинителството за организиран криминал и корупција. Извештај кој само го навести крајот на децениското недомаќинско работење на СДСМ во Центар.
Сите овие забелешки се преземени од ДЗР: Паркинзи на општина Центар отпишале, односно не наплатиле преку три милиони денари долгови. Поради неодговорност или намерно, оставиле да застарат. Не биле преземени соодветни мерки за присилна наплата, што фрла сомнеж дека ова биле долгови од луѓе и фирми блиски до Венко Филипче и Зоран Заев.
Извештајот фрла и сериозен сомнеж на затајување даноци, односно штета на државниот буџет од 247 илјади денари, пари на граѓаните, потенцира во објавата Андреевски.
„Од ДЗР откриле и неправилности во 27 постапки за јавни набавки во вредност од 46 милиони денари. Откриле несоодветни и ограничувачки услови за тендери, поставени само за да се фаворизира одреден изведувач.
Неправилно водење попис на кеш пари и немање единица за внатрешна ревизија, веројатно за да не се знае што се прават со парите на центарци“, наведува во објавата на својот фејсбук профил Горан Андреевски, координатор на советничка група на ВМРО-ДПМНЕ во Општина Центар.