Македонија

Апелација ја зголеми казната на Васил Јованов

Апелациониот суд Скопје ја преиначи првостепената пресуда и ја зголеми казната затвор за Васил Јованов на 13 години за кривичното дело „Тешки дела против безбедноста на луѓето и имотот во сообраќајот“.

2 минути за читање

Апелациониот суд Скопје ја преиначи првостепената пресуда и ја зголеми казната затвор за Васил Јованов на 13 години за кривичното дело „Тешки дела против безбедноста на луѓето и имотот во сообраќајот“.

Во соопштението од судот се наведува дека по жалбата на Основното јавно обвинителство Скопје, пресудата на Основниот кривичен суд е преиначена во делот на санкцијата, со што Јованов е осуден на 13 години затвор. Во останатиот дел, првостепената пресуда е потврдена.

Првостепено, во мај 2025 година, Јованов беше осуден на 12 години затвор, пет години забрана за управување возило и парична казна. Судот тогаш ги зема предвид признанието на вина и каењето како олеснителни околности, додека отежителни беа возењето без дозвола, под дејство на алкохол, преминувањето на црвено светло и претходна осуда за трговија со дрога.

Трагичната несреќа се случи на 29 јануари 2025 година на булевар „Партизански одреди“ во Скопје, кога Јованов со брзина од 91 км/ч, без возачка дозвола и под влијание на алкохол, помина на црвено светло и удри во 22-годишната Фросина Кулакова, која поминуваше на зелено. Таа починала на лице место.

За ова дело е предвидена казна до 20 години затвор.
Паралелно, против таткото на Јованов, Зоран Јованов, се води постапка за „загрозување на безбедноста во сообраќајот“, бидејќи му дозволувал на синот да вози без дозвола, знаејќи за неговите претходни прекршоци.

Поврзани теми:

зголемена казна|избор|пресуда|Васил Јованов|апелационен суд

Повеќе на оваа тема:

Најнови вести од: Македонија

ЦУК: Крушево со заматена вода за пиење по поројните дождови, службите интервенираат низ Македонија

Во Крушево, поради поројните врнежи, водата за пиење е заматена и се препорачува превривање најмалку 10 минути. Нивото на Црна река кај селото Бучин е покачено, но водата се повлекла од местата каде претходно имало излевање. Екипи од ЈП „Комуна“, ТППЕ Крушево, ЕЛС Крушево и надлежните служби работат на зајакнување на насипите кај критичните точки, информираат утрово од Центарот за управување со кризи.

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.

Трамп: Мора да го поседуваме Гренланд, за да ги спречиме Русија и Кина да го земат

Американскиот претседател Доналд Трамп изјави дека САД мора да го „поседуваат“ Гренланд за да ги спречат Русија и Кина да го преземат, велејќи дека тоа ќе се направи „на лесен или на тежок начин“. Острата изјава доаѓа по неодамнешните сигнали од Белата куќа дека администрацијата размислува да ја купи полусамостојната територија од Данска, но не ја исклучува опцијата за присилна анексија, пишува Би-Би-Си.

Денес гласаат болните и изнемоштените лица пред утрешните избори за градоначалник во Гостивар, Маврово Ростуше, Врапчиште и Центар Жупа

Пред утрешното гласање на повторените избори за градоначалник во општините Гостивар, Маврово Ростуше, Врапчиште и Центар Жупа, денеска избирачките одбори ќе им овозможат на болните и изнемоштените лица да го остварат својот глас во нивните домови, а ќе гласаат и притворените и затворениците, жители на овие општини. Од Државната изборна комисија (ДИК) посочуваат дека се е подготвено за повторените избори.
Сите вести од Македонија

Најнови вести

To top