Најстариот и најавторитетен автомобилски медиум во земјава, порталот Авто Плус, со задоволство објавува официјален почеток на седмото по ред издание на „Златно Тркало“ – единствениот национален избор за најпосакуван автомобил во Македонија.
Во изминатите шест години, „Златно Тркало“ се утврди како вистински барометар на желбите и преференциите на македонските возачи и љубители на автомобилизмот.
Гласањето на читателите и јавноста секоја година одредува кои модели се издвојуваат како најатрактивни во различни категории – од семејни и градски автомобили, преку премиум и електрифицирани модели, па се до апсолутниот победник за Најпосакуван автомобил во Македонија.
Оваа година повторно ќе имаме можност да ги видиме најновите и најинтересните модели што пристигнаа на нашиот пазар, а изборот ќе биде целосно во рацете на јавноста.
Листата на кандидати веќе е објавена, а гласањето ќе започне во наредниот период преку официјалните канали на Авто Плус и партнерите во организацијата.