Барањето на жителите на Општина Бутел за продолжување на автобуската линија со број „35“ е прифатено. Автобусите за неколку дена ќе сообраќајот до Радишани, како последна станица.
-Процедурата за продолжување на автобуската линија 35-ка е завршена. Заедно со градоначалникот на Град Скопје, Орце Ѓеоргиевски, и директорот на ЈСП постигнавме договор за нејзино продолжување до Радишани. Деновиве ќе го презентираме новиот возен ред, а за неколку дена ќе биде пуштена пробна линија која ќе сообраќа до последната станица на линијата 57 во Радишани, информираше градоначалникот на Општина Бутел, Дарко Костовски.
Тој се надева дека за продолжената линија ќе има голем интерес од граѓаните и дека таа ќе остане трајно решение.
Со оваа мерка, Општина Бутел преку јавниот градски превоз директно ќе биде поврзана со Општина Аеродром.