На граничниот премин „Ќафасан”, на албанско-македонската граница кај Струга, вчера бил уапсен македонски државјанин баран со меѓународна потерница.
„Уапсен е Ф.А. (32) жител на С. Македонија, баран со меѓународна потерница издадена од Интерпол Висбаден/Германија за кривично дело “измама”. Овој македонски државјанин ќе биде екстрадиран во Германија“, стои во полициското соопштение.
Ова не е прб случај албанската полиција да апси македонски државјанин баран со меѓународна потерница на овој премин.
Неодамна беше уапсен А.А.(34), жител на Кичево, кој бил осуден на 20 години затвор и баран со меѓународна потерница издадена од Интерпол Берн/Швајцарија, врз основа на наредба на Јавното обвинителство на кантонот Аргау.