Македонија

Билјана Ивановска: Граѓаните на Центар сами да ги направат промените во вториот круг

Билјана Ивановска, кандидатка за градоначалничка на Општина Центар од платформата „Независни заедно“, на прес-конференција, изјави дека нема да повикува граѓаните да гласаат за одреден кандидат во вториот круг од локалните избори

Билјана Ивановска, кандидатка за градоначалничка на Општина Центар од платформата „Независни заедно“, на прес-конференција, изјави дека нема да повикува граѓаните да гласаат за одреден кандидат во вториот круг од локалните избори, бидејќи верува дека секој граѓанин е свесен, има право на глас и носи одговорност за својата одлука. Ивановска, која во првиот круг освои 4.465 гласови, истакна дека голем број жители на Центар ги препознале вредностите на нејзината кампања, иако таа не била поддржана со интензивни промотивни активности. „Голем број граѓани препознаа вредности и без особени кампањи, затоа што тоа се свесни граѓани кои наместо секојдневно да негодуваат за проблеми, преземаат акција за промени, преземаат одговорност за својот живот… Кој и да победи, доколку вистински се залага да го заштити јавниот интерес, треба да носи одлуки во полза на сите и да го заштити уставно загарантираното право за здрава животна средина и активното учество на граѓаните во креирањето и донесувањето на одлуките“, рече Ивановска заедно со новоизбраните советници од граѓанските иницијативи обединети под платформата „Независни заедно“.

Ивановска нагласи дека е охрабрувачки фактот што во Општина Центар постои критична маса граѓани кои не размислуваат според партиски шеми и се свесни дека промените зависат од нивното активно учество. Таа истакна неколку клучни приоритети за општината, вклучително и потребата од ревизија, измена и дополнување на Деталните урбанистички планови (ДУП-ови) кои не се во согласност со Генералниот урбанистички план (ГУП). Според неа, не треба да се издаваат дозволи за градба врз основа на ДУП-ови чии параметри, како густината на население, ги надминуваат оние предвидени во ГУП. Таа, исто така, побара сите издадени дозволи за градба да бидат јавно објавени на мапа изработена од граѓанската иницијатива „Шанса за Центар“, која содржи податоци за над 150 градби во општината. Оваа мапа, според Ивановска, ќе биде ставена на располагање на Општината, која ќе треба да ја одржува. „Ние направивме мапа и во моментот има над 150 градби во општина Центар“, посочи таа.

Носителката на советничката листа на Град Скопје од „Независни заедно“, Јана Белчева-Андреевска, објави дека платформата планира да продолжи со собирање потписи за да се регистрира како граѓанско-политичко здружение. Таа ги истакна предизвиците со кои се соочиле независните кандидати за време на изборниот процес, вклучително нееднакви услови, административни пречки во последен момент, демонизација на противниците и намалување на демократските стандарди. „Поради нееднаквите услови со кои се сочивме во текот на изборниот процес, поради сите сопки и препреки во последен момент кои што се изнајдоа за учество на граѓаните активно да бидат чинители и креатори на политиката и да учествуваат како независни кандидати и независни листи, поради сета демонизација на противници и поради намалување на демократијата во државата, ние одлучуваме понатаму да продолжиме со собирање на потписи и со регистрирање на граѓанско-политичката платформа ‘Независни заедно’“, изјави Белчева-Андреевска. Таа ги повика сите независни групи низ земјата да се приклучат кон оваа иницијатива. Ивановска додаде дека советниците од „Независни заедно“ ќе работат конструктивно и ќе поддржуваат проекти во интерес на граѓаните, но ќе бидат и гласни критичари на сите сомнителни одлуки.

Најнови вести од: Македонија

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

Најнови вести

To top