Македонија

Бошков: Бизнис конфедерацијата на Македонија генерално е „за“ минимална плата од 500 евра

„Нам ни е многу битен образот и конкурентноста и ние мораме да се договораме со синдикатите и со Владата каква порака ќе испратиме за привлекување на странски директни инвестиции и за квалитетот на животот на работниците во земјава.“ – изјави претседателот на Бизнис-конфедерацијата на Македонија Миле Бошков.

2 минути за читање

Миле Бошков посочува дека се генерално „за“ минимална плата од 500 евра, но со одредени исклучоци, особено кај самостојните вршители на дејност и микро и малите компании, кои сами за себе обезбедуваат работа и плата. „Од вчерашниот состанок со синдикатите се договоривме дека мораме да преговараме, мораме да развиваваме колективно преговарање на секторско ниво, затоа што минималната плата е инструмент кој гарантира стандард на работниците, меѓутоа не ја отсликува правата состојба и на потрошувачката кошничка и на животниот стандард на работниците, а уште помалку на исполнителноста на задачите на работниците. Секој во секој сектор, нагласи Бошков, мора да знае неговиот работник колку работи и не може тоа да биде паушално кажано за сите и од друга страна.“ – изјави Бошков.

Тој укажа и дека тие како организација не е можно да ги застапуваат само бизнис интересите на скопските компании. „Ние сме за. Ние за да можеме да го подигнеме нивото, како организација на работодавачи соработуваме и со занаетчиите, тие се нашите партнери. Ние точно знаеме самостојните вршители на дејност во Гостивар, во Виница, во Тетово, во Струмица го немаат истото ниво на економски обем како во Скопје и ние како национална организација мораме тоа да го соопштиме – изјави Бошков.

Запрашан дали како конфедерација прават анализи колку од работниците се задоволни од платата и приходите што ги добиваат, Бошков одговара ека постојано прават анализи, но и дека плата и пари секогаш недостасуваат, а задоволството и припадноста во една компанија за некои работници и компании е примарно. „Правиме анализи секогаш. Ако некој е убеден дека е задоволен од својата работа и професија, тогаш работи лојално и со волја и изнаоѓа начин како да биде продуктивен и задоволен од тоа .“ – изјави Бошков.

Според него, вообичаено македонскиот работник добива плата помеѓу минималната и просечната плата, за кое, како што рече „нема протести и штрајкови во однос на платата во приватниот сектор“. „Тоа се факти. Секогаш има можност да се подобрат состојбите и секојпат се преговара. Во одредени компании тоа е многу често, меѓутоа генералната слика дека може да се зголемат платите стои и точно е, меѓутоа и дека има многу незадоволни работници, исто така, стои .“ – посочи Бошков.

Поврзани теми:

работници|минимална плата|Топ Актуелно|Бизнис-конфедерација на Македонија

Повеќе на оваа тема:

Најнови вести од: Македонија

ИНА: Од јануари-јуни 2025 Ахмети од ДУИ и Тачи од ДПА најпасивни во Собранието, немале никакви дискусии и не изнеле ниеден предлог!

„Податоците од платформата Pratenici.mk укажуваат на пратеници со многу ниско учество во парламентарните активности во првата половина од 2025 година. Лидерот на ДУИ Али Ахмети и лидерот на ДПА Мендух Тачи во тој период никогаш не се појавиле на дискусија во Собранието, не предложиле закон, или амандман, и не биле членови на ниту една парламентарна комисија. Ахмети учествувал само на три седници, додека Тачи на четири седници.“ – објави информативната агенција на албански јазик „Илирија-ИНА“.

„Револуционерни спомени“ на Ахмети: Во 1981 бев уапсен во Кичево и во затвор 60 дена, ама во мај 1984 УДБ-а не ме фати, иако ме опколи!

„Али Ахмети изнесе јавно признание за неговите апсења во текот на годините 1981-1982, за активноста на албанските студенти и влијанието на убиствата на Јусуф Гервала, Кадри Зека и Бардош Гервала врз албанското движење од тоа време.“ – пренесе весникот на албански јазик „Лајм“ од Скопје.

Зошто Османи ја лаже јавноста користејќи лажни вести на бугарски антимакедонист, прашува заменик спикерот

Лажната вест дека Македонија нема да добие бесплатен роаминг прв ја објваи бугарскиот портал Вестимак.мк кој на македонски јазик објавува антимакедонски статии. Овој портал го контролираат луѓе од Софија и Виктор Стојанов од бугарската фондација ,,Македонија”.

Вирусот „Западен Нил“ се шири низ Европа, најмногу во Италија и Грција

Десетина европски земји пријавиле локално пренесени случаи на вирусот Западен Нил од почетокот на годината, што е повеќе од отколку во истиот период минатата година, соопшти Европскиот центар за превенција и контрола на болести (ECDC). 

ВМРО ДПМНЕ: Обвинителството го спаси Филипче за пожарот во модуларните болници, Абази ја доработува задачата како пион на СДС и ДУИ

„За пожарот, кој се случи во модуларната болница во Тетово на 8 септември, на 10 септември 2021 година беше оформен предмет, кој потоа со години стоеше во фиока. Предметот за 19-те модуларни болници, кои беа поставени за време на ковид кризата, и каде во модуларната болница во Тетово животите ги изгубија 14 лица, а за време на Венко Филипче како министер за здравство, беше во фиоките на Вилма Русковска и Елизабета Јосифовска, од криминалното СЈО, па кај трета обвинителка. Па сега обвинителот Ислам Абази да каже дека Филипче не бил виновен.“ – реагира ВМРО ДПМНЕ.

Внук од сопруг на актуелна пратеничка најави кандидатура за градоначалник на општина Брвеница

Дали Даути ќе се повлече од пратеничката функција ако нејзиниот внук ги загуби изборите како што се повлекла од висока партиска функција пред 4 години кога АА доживеа дебакл во Тетово

Првиот Скопски партизански одред како прва единица на НОВ на Македонија во борбата против фашистичките окупатори – 85 години од формирањето

На денешен ден пред 85 години е формиран Првиот скопски народноослободителен партизански одред — прва партизанска единица на НОВ во Македонија. Формиран е на 22 август 1941 година кај месноста Чифлик во близина на Скопскиот градски парк и опстојува до 2 ноември 1941 година кога се самораспуштил. Прв командант на одредот бил Чедомир Миленковиќ, а потоа, од 18 до 31 октомври, Љубомир Лековиќ. Политички комесар на одредот бил Даме Крапчев. Првиот Скопски партизански одред на почетокот бил составен од 12 припадници. Но подоцна нивниот број се зголемил на 42 борци од различна етничка припадност – Македонци, Срби, Албанци, Турци, Црногорци, Хрвати и Чеси. Сите тие се обединиле околу една единствена идеја – слободата, заради ослободување од фашистичкиот окупатор. Диверзантските акции биле основен белег на предпартизанскиот период и токму членовите на скопските диверзантски групи го сочинувале јадрото на првиот Скопски партизански одред. Денешната 85-та годишнина од формирањето на овој партизански одред е соодветна пригода за должно потсетување на јуначките дела на припадниците на оваа партизанска формација: Чедомир Миленковиќ, Дане Крапчев, Боте Боцевски, Невена Георгиева – Дуња, Раде Јовчевски – Корчагин, Благој Деспотовски – Шовељ, Стерјо Кранго – Дучо, Боро Ончевски, Боро Трајковски – Ѓуро, Ацо Смилковски, Павле Момчиловиќ и Светозар Томиќ. Од вкупно 42 партизани на одредот, 17 го загубиле животот во текот на Втората светска војна. По војната тројца борци од одредот – Раде Јовчевски – Корчагин, Боро Петрушевски и Александар Урдаревски – се прогласени како народни херои.
Сите вести од Македонија

Најнови вести

To top