Претседателката на Народното собрание на Бугарија, Наталија Киселова, најави помош од нејзината земја „во следните седмици“ за Македонија да ги почне преговорите за членство во Европската унија.
„Бугарија нема апсолутно никакви претензии кон Република Северна Македонија во која било форма, освен да се придржува кон Договорот за пријателство и добрососедство од 2018 година и да се придржува кон Европскиот консензус од 2022 година, имено – оние обврски што Република Северна Македонија ги прифати, бидејќи тие не се исполнети. Тие бараат аргументи со кои нема да ги исполнат со одложување на нивната покана. Бугарија подава рака и јас мислам дека во следните седмици ќе бидеме сведоци на тоа како ние ќе се погрижиме да ѝ помогнеме на Република Северна Македонија да ги започне преговорите, бидејќи тоа е важно – Западен Балкан да биде дел од Европската унија“, изјави Киселова пред новинарите на почетокот на жетвата во селото Манастириште.