Македонија

Бугарска ексминистерка обвинета за предавство оти гласала како и Македонците во ПССЕ против Бугарија

Само Јорданова од ПП-ДБ и тројцата македонски претставници не го поддржаа укинувањето на мониторингот за Софија

Надежда Јорданова од коалицијата Продолжуваме со промените-Демократска Бугарија ја ставија на столбот на срамот во Бугарија поради гласањето заедно со македонските претставници против укинувањето на мониторингот од Парламентарното собрание на Советот на Европа (ПССЕ).

Јорданова, всушност, гласаше воздржано за резолуцијата за укинување на мониторингот од последните 26 години, но тоа се брои како против, како што се изјаснија тројцата претставници од Македонија во ПССЕ.

„Нема како да ѝ се заблагодарам на Надежда Јорданова, поранешната министерка за правда, која не гласаше ‘за’ оваа резолуција. Таа и неколку колеги од Северна Македонија се единствените кои не ја поддржаа. Сите други едногласно нè поддржаа, наведувајќи го на прво место напредокот во заштитата на човековите права и почитувањето на одлуките на Европскиот суд за човекови права“, изјави министерот за правда Георги Георгиев.

Делјан Пеевски, лидер на ДПС-Нов почеток, пак, буквално ѝ се нафрли на Јорданова.

„Каде се денес ПП-ДБ, партијата на пудлиците, за да објаснат зошто личната секретарка на Христо Иванов гласаше со Северна Македонија против Бугарија?! Национално предавство од овие луѓе – тие се предавници“, вресна Пеевски.

Укинувањето на мониторингот на ПССЕ за Бугарија помина синоќа со 100 гласа „за“, 3 „против“ и 1 „воздржан“.

 

 

Најнови вести од: Македонија

Слабите комунални услуги причина за пластичниот отпад во Вардар, велат надлежните

Министерството за животна средина посочува и дека во моментов Државниот инспекторат за животна средина е во фаза на подготовка на измени на Законот за инспекциски надзор во животната средина, со цел воспоставување на единствен систем на инспекциски надзор што ќе овозможи поефикасна и поефективна контрола во областа на животната средина

Конечни резултати од ДИК: Во Шуто Оризари ќе се прегласува

Државната изборна комисија (ДИК), во рамките на продолжението на нејзината 150-та седница, денеска ги објави конечните резултати од локалните избори за вкупно 44 општини, при што во 33 од нив градоначалниците се избрани во прв круг, а изборите во преостанатите 33 општини ќе продолжат со втор круг на гласање на 2 ноември

Агенцијата за вработување регистрираше нов голем пад на оние кои бараат работа

Најголем дел од невработените граѓани се во главниот град. Имено, во Скопје како невработени се пријавиле 20.076 сограѓани. Со високи бројки на невработени граѓани се бори и Тетово каде имало 12.912 невработени граѓани. По бројот на невработени граѓани следен на листата е Куманово каде се пријавиле точно 9.692 невработени лица.

To top