Ако навистина сакаат да протестираат за поранешните лидери на ОВК, тогаш протестот би требало да биде токму против ДУИ и улогата на нејзиниот претседател, Али Ахмети. ОВК не е сопственост на ДУИ и не може да се користи како алиби за да му се измијат гревовите, е вели во денешното соопштение на ВРЕДИ насочено контра најавениот протестен марш на плоштадот Скендербег во Скопје.
Од ВРЕДИ оценуваат дека т.н. марш, по рецепт на ДУИ, се обидуваат да го спакуваат и да го продадат како ‘натпартиски’.
Затоа, наместо повик за протест, од лобистите за основање на Специјалниот суд денес се бараат јавни одговори:
1. Каков договор бил понуден за возврат на поддршката за основањето на Специјалниот суд?
2. Што содржи досието на Специјализираните совети во Хаг што се однесува на сведочењето на Али Ахмети?
3. Дали Специјализираните совети и ‘Отворен Балкан’ имаат заеднички именител?
4. Зошто Али Ахмети ја менуваше квалификацијата на својата улога во постапката пред Специјалниот суд, еднаш велејќи дека бил сведок, а другпат дека не бил сведок во постапката?
5. Дали сведочењето на Али Ахмети послужило како основа за подигнување на обвинението против раководството на ОВК од страна на Специјалниот суд во Хаг?
Овие и многу други прашања продолжуваат да тежат врз оние кои не оставиле ништо што не го злоупотребиле“, соопшти Влен.